Qazaqstandyqtar sheneýnikterdiń qosymsha tabysyn qashan kóre alady
ASTANA. KAZINFORM — Bıyldan bastap joǵary laýazymdy sheneýnikter, depýtattar men sýdıalar kirisi men múlki týraly deklaratsııany ashyq jarııalaýǵa mindetti. Tolyǵyraq Qarjy mınıstri Mádı Takıev túsindirip berdi.
Úkimet úıinde ótken baspasóz máslıhaty barysynda BAQ ókilderi qazaqstandyqtar sheneýnikter tapsyratyn deklaratsııamen qashan jáne qaı jerden tanysa alatynyn, sondaı-aq kiris deklaratsııasy qandaı málimetti qamtıtynyn surady.
— Másele kún tártibinde tur. Deklaratsııa 15 qyrkúıekke deıin tapsyrylady. Jarııalaý jyl sońyna deıin bolady. Ótken jyly tirkelgen aqparat jarııalanady. Obektiler boıynsha kez kelgen qozǵalys deklaratsııaǵa engiziledi. Ol jerde jalaqy kórsetilmeıdi, — dep túsindirdi Qarjy mınıstri Mádı Takıev.
Óz kezeginde Premer-mınıstrdiń orynbasary — Ulttyq ekonomıka mınıstri Serik Jumanǵarın mınıstrlikterdiń kadr qyzmeti, saıası qyzmetshilerdiń jyljymaıtyn múlik boıynsha málimettiń jarııalaıtynyn aıtyp otyr.
Aıta ketsek, zańnamalyq ózgeristerge sáıkes, deklaratsııa tapsyrýdan birqatar azamat bosatylady.