Qazaqstandyqtar Ońtústik Koreıada zańdy túrde úsh jyl jumys isteı alady
ASTANA. KAZINFORM – Ońtústik Koreıada zańdy jumys istigisi keletin otandastarymyzǵa arnalǵan joba qolǵa alynyp jatyr. Bul týraly Eńbek jáne halyqty áleýmettik qorǵaý mınıstrligi kóshi-qon komıtetiniń tóraǵasy Asqarbek Ertaev málim etti.
«Qazaqstan azamattarynyń Ońtústik Koreıadan jumysqa ornalastyrýǵa ruqsat berý júıesi boıynsha tıisti sharalar qabyldanyp jatyr. Ol úshin ortalyq qurý jumysy bastaldy. Ondaǵy maqsat - Ońtústik Koreıaǵa jumysqa ornalasqysy keletin azamattarǵa til úıretý. Jobany iske asyrý atalǵan elge eńbektenýge barǵan azamattarymyzdyń áleýmettik jáne eńbek quqyǵyn qorǵaýǵa kepil beredi», - dedi Asqarbek Ertaev Ortalyq kommýnıkatsııalar qyzmeti alańynda ótken baspasóz máslıhatynda.
Sondaı-aq, joba aıasynda Ońtústik Koreıaǵa barǵan otandastarymyz 3 jylǵa deıin zańdy túrde jumys isteı alady.
Eske sala keteıik, buǵan deıin qazaqstandyqtardyń Ońtústik Koreıada zańdy túrde jumys isteýine ruqsat beriletini týraly habarlaǵan edik.
