Qazaqstandyqtar mamyr aıynda qalaı demalady

ASTANA. KAZINFORM — Eńbek jáne halyqty áleýmettik qorǵaý mınıstrligi 8 mamyrdaǵy jumys kúnin (sársenbi) 4 mamyrǵa (senbige) aýystyratyn buıryq jobasyn jarııalady.

Osylaısha, mamyr merekelerinde qazaqstandyqtar úsh kún qatarynan — 7, 8, 9 mamyrda demalady.

«2024 jyly demalys kúnin aýystyrý týraly usynys Eńbek kodeksine sáıkes ázirlendi. Mereke kúnderi, sondaı-aq demalys kúnderi jumys ýaqytyn utymdy paıdalaný maqsatynda eńbek jónindegi ýákiletti organ demalys kúnderin basqa jumys kúnderine aýystyrýǵa quqyly», — dep málimdedi Eńbek jáne halyqty áleýmettik qorǵaý mınıstrligi.

2024 jyly demalys kúnin aýystyrý týraly buıryq jobasymen Ashyq NQA portalynda tanysýǵa bolady.