Qazaqstandyqtar kóleńkeli aımaqtan 15 mlrd dollarǵa krıptovalıýta satyp alǵan

ASTANA. KAZINFORM – Ulttyq bank tóraǵasynyń orynbasary Berik Sholpanqulov keleshekte kóleńkeli aımaqtan krıptovalıýta satyp alǵandardyń aty-jóni ashyq jarııalanatynyn aıtty.

- Búgingi tańda krıptovalıýta aınalymynyń 5 paıyzy ǵana Astana halyqaralyq qarjy ortalyǵy arqyly oryndalady. Qalǵan 95 paıyzy kóleńkeli aımaqta. Bul shamamen 15 mlrd dollardaı. Atalǵan derekter halyqaralyq kompanııalardyń esebinen alynǵan. Byltyr sonda Qazaqstan azamattary kóleńkeli aımaqta krıptovalıýta satyp alýǵa 15 mlrd dollar jumsaǵan. Muny biz syrtqa aktıv shyǵarý dep atap otyrǵan joqpyz. Bálkim osyǵan deıin azamattar alańsyz ınvestıtsııa salý úshin normatıvtik-quqyqtyq retteý qajetti deńgeıde bolmaǵan shyǵar. Qazir ol tásilderdiń bári ázirlengen dep aıta alamyz, - dedi ol.

Sondaı-aq, ol krıptovalıýtaǵa salynǵan aqsha izsiz ketpeıtinine sendirdi.

- Krıptovalıýta aınalymynda jasyryn protsess joq. Bálkim keıin brıfıng uıymdastyryp, kimniń qansha jumsaǵanyn aty-jónimen ataıtyn shyǵarmyz. Qazir ony ashyp kóre almaımyz. Biz halyqaralyq júıeniń múshesi bolǵan kezde ashyp kóre alamyz, sol kezde málimdeımiz, - dedi Berik Sholpanqulov.

Buǵan deıin Qazaqstanda krıptovalıýta satýshylar 5 mlrd teńgege jýyq salyq tólemegeni belgili bolǵan edi.