Qazaqstandyqtar astrolog pen tatý masterlerine jıi júgine bastady

Birinshi kredıt bıýrosy erekshe qyzmet túrlerin kórsetetin mamandardyń jumysyna sholý jasady, dep habarlaıdy Kazinform. 

Bıýronyń Telegram paraqshasyndaǵy aqparatqa sensek, qazaqstandyqtar astrologtarǵa, neke agenttikterine, genealogtar, ıt-mysyqtyń júnin qyrqatyn grýmerler men tatý masterlerine jıi júgine bastaǵan. 

«Osy mamandardyń bárine ortaq ne bar? Olar kórsetetin qyzmetter — kádýilgi úırenshikti nárse emes. Sondyqtan statıstıka kórsetkishterin esepteý kezinde olar bir kategorııaǵa biriktiriledi. Ulttyq statbıýro dereginshe, bıylǵy 9 aıda atalǵan kásip ókilderiniń tabysy 380,7 mlrd teńgege jetken. Qomaqty soma. Salystyryp qarańyzshy, baǵdarlamalyq qamtamasyz etýmen aınalysatyn IT mamandarynyń ózi 407,3 mlrd teńge tabys tapqan» deıdi derekkóz. 

Kórsetkish ótken jyldyń sáıkes kezeńimen salystyrǵanda 85% nemese 175,6 mlrd teńgege artqan.

Jyl saıynǵy kórsetkishte buryn-sońdy mundaı qarqyndy ósim bolǵan emes.

Degenmen, kúshti dınamıka qazaqstandyqtardyń tıisti bızneske suranysynyń artýyna emes, onyń «kóleńkeden» shyǵa bastaýyna baılanysty bolýy múmkin.