Qazaqstandyq jasóspirimder Eýropalyq olımpıadada baq synap jatyr

ASTANA. KAZINFORM — 2025 jylǵy 29 tamyz ben 4 qyrkúıek aralyǵynda Bolgarııanyń Shýmen qalasynda Informatıkadan IX Eýropalyq jasóspirimder olımpıadasy (EJOI) ótip jatyr. Bul týraly Oqý-aǵartý mınıstrliginiń baspasóz qyzmeti habarlady. 

 EJOI – 15 jasqa deıingi jasóspirimder arasynda baǵdarlamalaý men algorıtmdik esepterdi sheshý boıynsha uıymdastyrylatyn jyl saıynǵy zııatkerlik saıys. Bul bedeldi doda jas qatysýshylar úshin Halyqaralyq ınformatıka olımpıadasyna (IOI) qatysýdyń mańyzdy irikteý alańy ári kásibı daıyndyq tramplıni bolyp sanalady.

Bıylǵy olımpıadaǵa 24 memleketten kelgen oqýshylar qatysýda. Qazaqstan qurama komandasy olımpıadalyq rezervtiń úzdik ókilderinen quralǵan.

Komanda quramy:

* Ábilmansur Qurmet – Atyraý oblysy, Bilim-ınnovatsııa lıtseıiniń 9-synyp oqýshysy;
* Nuráli Shaımerden – Kókshetaý qalasy, Bilim-ınnovatsııa lıtseıiniń 9-synyp oqýshysy;
* Dinmuhammed Muǵjan – Kókshetaý qalasy, Bilim-ınnovatsııa lıtseıiniń 9-synyp oqýshysy;
* Saıat ıÝsýpov – Óskemen qalasy, Bilim-ınnovatsııa lıtseıiniń 9-synyp oqýshysy.

Jas olımpıadshylarǵa tájirıbeli jattyqtyrýshylar jetekshilik etedi:
* Álimjan Amanov – PhD doktory, QBTÝ professor-assıstenti;
* Batyr Sardarbekov – respýblıkalyq jáne halyqaralyq olımpıadalar men sporttyq baǵdarlamalaý chempıonattarynyń jeńimpazy.

Anyqtama úshin: Eýropalyq jasóspirimder olımpıadasy (EJOI) alǵash ret 2017 jyly Bolgarııanyń Sofııa qalasynda uıymdastyryldy. Byltyr Kıshınevte (Moldova) ótken EJOI-2024 dodasynda Qazaqstan qurama komandasy tórt medal ıelengen bolatyn.

Aıta ketelik Qazaqstannyń ulttyq quramasy EuroSkills Herning 2025 chempıonatyna qatysady.