Qazaqstandyq jas tennısshiler Astanadaǵy iri týrnırdiń chempıony atandy
ASTANA. KAZINFORM — Astana qalasynda jasóspirimder arasynda ITF Juniors J300 týrnıri máresine jetti.
El tarıhyndaǵy iri jarys bolyp esepteletin dodada qazaqstandyqtar Sátıma Tóregen men Albına Kákenova juptyq synda úzdik shyqty.
Qazaqstandyq dýet fınalda týrnırdiń 2-raketkalary, chehııalyqtar Tereza Hermanova — Glorııa Levınskıdi qapy qaldyrdy — 6:2, 6:3.
Bul — Albına men Sátımanyń sporttyq jolyndaǵy eleýli tabys. Qazirgi kezde Team Kazakhstan akademııasynda jattyǵyp júrgen qyzdar halyqaralyq jarystarǵa osynda daıyndalady.
— Bul bizge erekshe kóńil-kúı syılady. Biz deńgeıi joǵary dodada jeńis tuǵyrynan kóringimiz keldi. Óz elimizde jankúıerlerdiń qoldaýymen osyndaı tabysqa jetkenimizge qýanyshtymyz, — dedi Sátıma Tóregen.
Albına Kákenova, ásirese, fınalda úzdik óner kórsetkenderine baqytty ekendikterin jetkizip, Team Kazakhstan akademııasynyń bapkerlerine alǵysyn aıtty.
Eske sala keteıik, budan buryn Jibek Qulambaevanyń alǵash ret WTA týrnırinde jeńimpaz atanǵanyn jazǵan edik.