Qazaqstandyq jas tennısshi Latvııadaǵy týrnırde úzdik shyqty

ASTANA. KAZINFORM – Latvııanyń Aızkraýkle qalasynda jastar arasynda ITF J30 týrnıri máresine jetti. 

Atalmysh dodaǵa álemniń jas tennısshileri jınaldy, solardyń arasynda qazaqstandyq Ivan Ponomarev erekshe kózge tústi.

Otandasymyz juptyq synda lıtvalyq Mark Grıazýtın Tverskıımen birge chempıon boldy. Fınalda qazaqstandyq-lıtvalyq jup jergilikti dýet Aleksandrovas – Bandzevısıýsti kambekpen jeńdi – 1:6, 6:4, 10:5. 

Ivan men Mark jarys barysynda tehnıkalarynyń joǵary ekenin, sondaı-aq tabandylyqtaryn tanyta bildi.

Osylaısha, Ivan Ponomarev sporttyq jolynda juptyq synda ITF Juniors dodasynda ekinshi tıtýlyna qol jetkizdi. Bul onyń kásibı deńgeıiniń ósip kele jatqanyn kórsetedi. 

Eske sala keteıik, budan buryn Elena Rybakınanyń Beıjiń týrnırinde jarys jolynan shyǵyp qalǵanyn jazǵan edik.