Qazaqstandyq jas shorttrekshiler álem kýbogi kezeńinde qola júldeger atandy

Leývarden (Nıderland) qalasynda short-trekten ótip jatqan álem kýbogi kezeńinde Qazaqstan qyzdar quramasy qola júldeger atandy, dep habarlaıdy Kazinform.

Sportty damytý dırektsııasynan málim etkenindeı, 3 myń metrlik estafetada baq synaǵan qazaqstandyq qyzdar máre syzyǵyn úshinshi bolyp qıdy.

Atalmysh dodada el namysyn Alına Ájiǵalıeva, Zeınep Qumarhan,
Anastasııa Astrahantseva, Gúldana Jalmuhan, Polına Omelchýk qorǵady.
Estafetalyq jarysta ońtústikkoreıalyqtar jeńimpaz atansa, Nıderland quramasy kúmis júldege ıe boldy.

Short-trekten BQO quramasynyń aǵa bapkeri, Qazaqstannyń eńbek sińirgen jattyqtyrýshysy Maksım Lozovoıdyń aıtýynsha, batysqazaqstandyq Alına Ájiǵalıeva eresekter arasynda da synǵa túsip keledi. Ol bıyl Kanadanyń Laval qalasynda short-trekten ótken tórt qurlyq chempıonatynda Qazaqstan quramasy sapynda óner kórsetip, qola júldege qol jetkizgen edi.

Eske sala keteıik, budan buryn Qazaqstan áıelder quramasynyń short-trekten tórt qurlyq chempıonatynda úzdik úshtikke engenin jazǵan bolatynbyz.

Batys Qazaqstanda olımpıadalyq sport túrlerine qanshalyqty kóńil bólinip otyr.