Qazaqstandyq vaıner Meıirjan Tórebaev bostandyqqa shyqty

ASTANA. KAZINFORM – Tanymal qazaqstandyq bloger jáne vaıner Meıirjan Tórebaev jazasyn ótep, úıine oralǵanyn habarlady. 

Ol Instagram-daǵy paraqshasynda jaqyndarymen qaýyshqan fotolardy jarııalady. 

Kadrlardan otbasynyń ony erekshe yqylaspen kútip alǵanyn, tipti «Úıińe oralýyńmen!» degen jazýy bar hattardy da kórýge bolady. 

Vaıner bul jańalyǵyn jelidegi jazbasynda da habarlady.

– Óz mahabbatyńdy ózgelerge syılaı bilý, eń qarapaıym usaq-túıektiń ózinen baqyt pen lázzat taba alý – úlken qasıet, - dep jazdy Tórebaev.

Bul jańalyq jeli qoldanýshylary arasynda qyzý talqyǵa tústi. Oqyrmandar aq tilekterin jaýdyryp, qoldaý bildirdi.

Aıta keteıik, 2023 jyldyń maýsym aıynda Almatyda «Mudarabah Capital» qarjy pıramıdasyna qatysty sot úkimi shyqqan bolatyn.

Sol kezde sot 12 adamdy, sonyń ishinde vaıner Meıirjan Tórebaev pen Meıirhan Shernııazovty kináli dep tanyp, olardy 5 jylǵa bas bostandyǵynan aıyrǵan edi.

Buǵan deıin, 2025 jyldyń 3 shildesinde Meıirhan Shernııazovtyń da bostandyqqa shyqqany belgili bolǵan edi.