Qazaqstandyq úsh boksshy Strandja týrnıri fınalyna shyqty

ASTANA. KAZINFORM — Bolgarııa astanasy Sofııa qalasynda ótip jatqan halyqaralyq Strandja týrnıriniń besinshi jarys kúni, 28 aqpanda el quramasynan 3 boksshy fınalǵa shyqty. 

Otandasymyz Laýra Esenkeldi (65 keli) 2025 jylǵy álem chempıonatynyń qola júldegeri ırlandııalyq Greın Ýolshpen kezdesti. Qos boksshy kóp kúsh jumsamaı, qarymta shabýylǵa ıek artty.

Nátıjesinde Laýra soqqy almasýda dáldik tanytyp, 4:1 esebimen jeńiske jetti.

El quramasynan Valerııa Aksenova (80 keliden joǵary) jartylaı fınalda jarys qojaıyny, bolgarııalyq Aleına Mehmedpen jolyqty. Jekpe-jek kópke sozylǵan joq. Alǵashqy raýndta otandasymyz aýyr soqqysymen qarsylasyn eseńgiretip jiberdi. Nátıjesinde tóreshi aıqasty merziminen buryn toqtatty.

Jastar arasynda álem chempıony, 54 kelidegi Elına Bazarova jartylaı fınalda taǵy bir otandasymyz Ánel Saqyshpen kezdesken edi. Óte shıelenisti jáne jaqyn ótken aıqasta Elına Bazarova 3:2 esebimen jeńiske jetti.

Al ulttyq quramanyń tájirıbeli boksshysy, álem chempıony Valentına Halzova (75 keli) ½ fınalda 2025 jylǵy álem chempıonatynyń qola júldegeri, aýstralııalyq Emma-Sıý Grıntrıge 1:4 esebimen jeńilse, Dına Islambekova (80 keli) ózbekstandyq Oltınoı Sotımboevaǵa 2:3 esebimen ese jiberdi.

Endi el quramasynan Danıal Sábıt (50 keli) ózbekstandyq Asılbek Jalılov, Farýh Toqtasynov (70 keli) ózbekstandyq Shavkatjon Boltaevpen qolǵap túıistiredi.