Qazaqstandyq tennısshiler Devıs kýbogynan shyǵyp qaldy

ASTANA. KAZINFORM - Astanada ótken Devıs kýbogynda Qazaqstan quramasy Danııaǵa jalpy esepte jeńilip, jarys jolynan shyǵyp qaldy. 

15 qyrkúıekte aldymen juptyq synda Aleksandr Nedovesov pen Beıbit Juqaev Iohannes Ingıldsen men Krıstıan Sıgsgaardpen sheberlik baıqasty. Kezdesý barysynda qazaqstandyq tennısshiler qarsylastaryna 6:7, 3:6 esebimen ese jiberdi. 

Al, ulttyq qurama sapynda tusaýkeser oıynyn ótkizgen Beıbit Juqaev danııalyq Fılıpp Hertke aldymen 3:6 esebimen jeńilip, odan keıin 6:4, 10:8 esebimen basym tústi.. 

El quramasy 14 qyrkúıektegi birinshi oıyn kúninde eki kezdesýde jeńilip qaldy. Elimizdiń erler quramasynan Aleksandr Býblık Elmer Mellerge, Aleksandr Shevchenko Avgýst Holmgrenge ese jibergen edi. 

Jalpy esepte Danııa quramasyna 1:3 esebimen jeńilgen qazaqstandyq tennısshiler jarys jolynan shyǵyp qaldy.

Nátıjesinde qarsylastar 2025 jyly aqpanda ótetin komandalyq álem chempıonatynyń irikteý kezeńine joldama aldy.