Qazaqstandyq tanymal blogerge izdeý salyndy
ALMATY. KAZINFORM – Qazaqstandyq tanymal bloger Qaısar Qamzaǵa izdeý salyndy.
Tıisti aqparat Quqyqtyq statıstıka jáne arnaıy esepke alý organdarynyń portalynda jarııalanǵan. 1995 jylǵy 18 qyrkúıekte týǵan Qamza Qaısar Baqytjanuly 10 qańtardan beri izdestirilýde. Іzdeý sharalaryn Qarjylyq monıtorıng agenttiginiń Astana boıynsha ekonomıkalyq tergep-tekserý departamenti júrgizip jatyr.
Qazirgi ýaqytta is boıynsha basqa aqparat jarııalanbady.
Aıta keteıik, blogerdiń Instagram-da 2,6 mıllıonnan astam, al TikTok-ta 340 myńnan astam oqyrmany bar. Ol kontentiniń kópshiligin ózge elderde júrip jarııalaıdy. Qaısar Qamza ózin trevel-bloger retinde tanystyrady, sondaı-aq otandyq fılmderge de túsken.
Buǵan deıin áleýmettik jelilerde onyń Úndistandaǵy sapary kezinde túsirilgen vıdeolary qyzý talqyǵa túsken edi. Kadrlarda blogerdiń beıádep sózder aıtqany jáne jergilikti turǵyndarǵa dórekilik kórsetkeni baıqalyp, pikirtalas týdyrǵan.
Sonymen qatar Qaısar Qamzanyń esimi buǵan deıin Qarjylyq monıtorıng agenttigi taratqan habarlamada da atalǵan.
Ol kezde agenttik zańsyz onlaın-kazıno jarnamalaýǵa qatysy bar 34 blogerdi anyqtaǵanyn habarlaǵan edi.
Onda Qaısar Qamzanyń jeke Telegram-arnasynda zańsyz qumar oıyndardy júıeli túrde nasıhattaǵany aıtylǵan. Agenttik málimetinshe, jarnamadan túsken tabysty ol sheteldegi qymbat qonaqúılerde turýǵa jáne saıahattaýǵa jumsaǵan.