Qazaqstandyq taekvondoshylar Ońtústik Koreıadaǵy týrnırdiń fınalynda baq synaıdy

ASTANA. KAZINFORM - Qazirgi ýaqytta Ońtústik Koreıanyń Mýdjý qalasynda taekvondodan "World Taekwondo Diamond Game" týrnıri ótip jatyr.

Áıelder arasyndaǵy komandalyq saıysta óner kórsetetin Aıda Táýkenova men Kamıla Aımýkasheva fınalǵa joldama aldy.

Otandastarymyz jartylaı fınalda Indonezııa quramasymen ózara myqtyny anyqtady. Nátıjesinde, Qazaqstan quramasy 2:0 esebimen basym tústi.

Aıta keteıik, Qazaqstan quramasy fınaldyq jekpe-jekte Marokko quramasymen altyn júldeni sarapqa salady.

Eske sala keteıik, buǵan deıin Almaty oblysynda jeńil atletıkadan Qazaqstan chempıonaty bastalǵanyn jazǵan edik.