Qazaqstandyq paradzıýdoshy Erǵalı Shámeı altynǵa talasady
PARIJ. KAZINFORM — Qazaqstandyq paradzıýdoshy Erǵalı Shámeı Parıjde ótip jatqan Paralımpıada oıyndarynyń fınalyna shyqty.
Paradzıýdodan álem jáne Azııa oıyndarynyń chempıony Erǵalı Shámeı J1 sanaty boıynsha 73 kelige deıingi salmaqta jartylaı fınaldyq kezdesýde Germanııa sportshysy Lenart Sassty 10:1 esebimen jeńdi.
Qazaqstandyq balýan bastapqy beldesýinde Eýropa chempıonatynyń kúmis júldegeri, frantsııalyq Armındo Rodrıgesti taza utty — 10:0.
Taǵy bir qazaqstandyq Daıana Fedosova J2 sanatynda 57 kelige deıingi salmaqta sensatsııa jasap, Paralımpıadanyń eki dúrkin kúmis júldegeri, álem chempıonatynda kúmis alǵan brazılııalyq Lıýsııa Teısheıra Araýjo da Sılvany qapy qaldyrdy — 10:0.
Degenmen ol jartylaı fınalda Rıo Paralımpıadasynyń qola júldegeri, japonııalyq Dzıýnko Hırosege ese jiberdi. Sóıtip Daıana qola júlde úshin túrkııalyq Dondý Esılıýrtpen kúresedi.
Fınaldyq beldesýler Astana ýaqytymen saǵat 19.00-ge josparlanǵan.
Eske sala keteıik, budan buryn Aqmaral Naýatbektiń jazǵy Paralımpıada oıyndarynyń jeńimpazy atanǵanyn jazǵan bolatynbyz.
Sondaı-aq qazaqstandyq júzý sheberi Nurdáýlet Jumaǵalı Paralımpıadanyń kúmis júldegeri boldy.
