Qazaqstandyq otbasy Gaza sektorynan evakýatsııalandy
ASTANA. KAZINFORM — QR Syrtqy ister mınıstrliginiń úılestirýimen jáne Iordanııa men Izraıldegi Qazaqstan elshilikteriniń kómegimen Gaza sektorynan elimizdiń alty azamaty evakýatsııalandy, dep habarlaıdy SІM baspasóz qyzmeti.
Otandastarymyz shekaralyq ótkizý beketteri arqyly ótip, Amman qalasyndaǵy Álııa patshaıym atyndaǵy halyqaralyq áýejaıǵa jetkizildi. Keıin olar Qazaqstanǵa oraldy.
SІM málimetinshe, bul operatsııa Iordanııa bıligimen syndarly ózara is-qımyldyń nátıjesinde júzege asty jáne sheteldegi azamattardyń quqyqtary men qaýipsizdigin qorǵaý – mınıstrliktiń basym baǵyttarynyń biri ekendigin kórsetedi.
- QR-nyń Amman men Tel-Avıvtegi dıplomatııalyq ókildikteri óńirdegi jaǵdaıdy muqııat baqylap, Gaza sektory men Palestınada júrgen azamattarmen turaqty baılanys ornatyp otyr, - delingen aqparatta.
Syrtqy ister mınıstrligi Iordanııa men Izraıl bıligine, sondaı-aq Halyqaralyq Qyzyl Krest komıtetine kórsetken qoldaýy úshin alǵys bildirdi.
Aıta keteıik, tyǵyryqqa tirelgen Gazada tártipsizdik beleń ala bastady.