Qazaqstandyq oqýshylar Halyqaralyq olımpıadada segiz medal jeńip aldy

ASTANA. KAZINFORM — Tájikstan Respýblıkasynyń astanasy Dýshanbede 5-9 qarasha aralyǵynda ótken KhIMIO2025 halyqaralyq matematıka jáne ınformatıka olımpıadasynda qazaqstandyq oqýshylar joǵary nátıje kórsetip, el qorjynyna segiz medal saldy. Baıqaýǵa 10 memleketten daryndy oqýshylar qatysty. Bul týraly Oqý-aǵartý mınıstrliginiń baspasóz qyzmeti habarlady. 

Qazaqstan quramasy eki jas sanatynda 14-15 jas (7-8 synyp) jáne 16-18 jas (9-11 synyp) aralyǵyndaǵy oqýshylardan quraldy. Nátıjesinde qazaqstandyqtar júz paıyzdyq kórsetkishke qol jetkizdi.

Joǵary jas sanaty (9-11 synyp):

Mansýr Mamadahýnov — Qyzylorda oblystyq «Bilim-ınnovatsııa» lıtseı-ınternaty (ınformatıka);

Aldııar Seıtbaı — Astana qalasynyń daryndy er balalarǵa arnalǵan «Bilim-ınnovatsııa» lıtseı-ınternaty (ınformatıka);

Álı Erkebulanuly — FMB Nazarbaev Zııatkerlik mektebi, Almaty (matematıka);

Berdibek Orynbasar — Atyraý oblystyq № 1 «Bilim-ınnovatsııa» lıtseı-ınternaty (matematıka).

Kishi jas sanaty (7-8 synyp):

Ahmet Berdimurat — Aqtóbe oblystyq «Bilim-ınnovatsııa» mamandandyrylǵan lıtseı-ınternaty (matematıka);

Temir Orazbek — Respýblıkalyq fızıka-matematıka mektebi, Almaty (matematıka);

Azamat Rahımberdıev — Atyraý oblystyq № 1 «Bilim-ınnovatsııa» lıtseı-ınternaty (ınformatıka); Islam Ermýhanov — Aqtóbe oblystyq «Bilim-ınnovatsııa» lıtseı-ınternaty (ınformatıka).

Olımpıadanyń jumys tilderi — aǵylshyn, orys jáne tájik tilderi. Qatysýshylar matematıka men ınformatıka pánderi boıynsha teorııalyq jáne praktıkalyq týrlarda bilimderin synady.

Aıta ketelik Qytaıdyń Xi’an Jiaotong University janynan «Shákárim» mádenı zertteýler ortalyǵy ashyldy.