Qazaqstandyq mergen irikteý kezeńinde sátti óner kórsetti

PARIJ. KAZINFORM - Frantsııa astanasy Parıj qalasynda ótip jatqan Olımpıada oıyndarynda qazaqstandyq mergen Nıkıta Chırıýkın irikteý kezeńiniń alǵashqy aınalymynda baq synady. 

Nıkıta Chırıýkın tapansha atýdan (25 m) irikteý kezeńiniń birinshi aınalymynda synǵa túsip, 293 upaı enshiledi. Nátıjesinde otandasymyz 29 sportshy qatysqan jarysta 6-orynǵa taban tiredi. 

Іrikteý kezeńiniń ekinshi aınalymy búgin, 4 tamyzda saǵat 16:00-de bastalady. Úzdik shyqqan 6 mergen fınaldyq kezeńge joldama alady.

Eske sala keteıik, buǵan deıin qazaqstandyq Nora Djerýto Olımpıada fınalyna shyqty. 

Sondaı-aq 4 tamyz kúni Olımpıadada qazaqstandyq sportshylar qaı ýaqytta saıysqa túsetinin jazǵan bolatynbyz.