Qazaqstandyq mergen qyz Aleksandra Le Olımpıadanyń fınaldyq kezeńine joldama aldy

PARIJ. KAZINFORM – Nysana kózdeýden Qazaqstan komandasynyń múshesi Aleksandra Le Parıjdegi jazǵy Olımpıada oıyndarynyń fınalyna shyqty. 

Aleksandrra 10 metrge pnevmatıkalyq vıntovkamen nysana kózdeýden irikteý kezeńin altynshy orynmen aıaqtady. Al, fınalǵa alǵashqy segiz sportshy ótti. 

Taǵy bir otandasymyz Arına Altýhova 627.7 upaımen 17-orynnan kórindi. 

Aralyq nátıje boıynsha, koreıalyq Hedjın Ban úzdik shyǵyp, birinshi orynǵa ıe boldy. Ol irikteýde jıǵan upaıy boıynsha (634.5) olımpıadalyq rekord ornatty. 

Sportshylar júldege 29 shilde kúni talasady.

Eske salaıyq, bir kún buryn Aeksandra Le men Islam Sátbaev aralas komandalar arasyndaǵy jarysta el qorjynyna alǵashqy qola júldeni syılaǵan bolatyn.