Qazaqstandyq kókparshylar shırek fınalda AQSh komandasyn utty
ASTANA. KAZINFORM - Kókpardan Qazaqstan quramasy shırek fınalda AQSh quramasyn 12:4 esebimen utty, dep habarlaıdy QazAqparat tilshisi.
Kókpar tóreshisi Іlimsha Áltaev bul dástúrli sport túri Qazaqstanda tanymal ekenin atap ótti.
– Kókpar Qazaqstanda, ásirese ońtústik óńirlerinde damyǵan sport túri. Óıtkeni ondaǵy klımat mundaı jarystardyń jıi ótkizilýine múmkindik beredi. Kókpar oıyndary Qyrǵyzstanda da óte tanymal. Bul dúbirli dodaǵa Ózbekstannan myqty komanda keldi. Qyrǵyzstan favorıtterdiń biri sanalady, olar fınalǵa shyǵyp, bizdiń qazaqstandyq oıynshylarmen kezdesedi dep oılaımyn. Olardyń jylqylary óte jaqsy jaǵdaıda. Menińshe, bul oıyn joǵary deńgeıde ótedi dep oılaımyn. Kimniń jeńetinin tek alań kórsetedi», - deıdi ol.
Aıta keteıik, týrnırge qatysý úshin Qyrǵyzstan óz jylqylaryn ákelse, qalǵan komandalar oqý-jattyǵý jıyndarynyń barlyǵynda qazaq jylqylaryn minedi.
Esterińizge sala keteıik, keshe Qazaqstan quramasy kók bóriden irikteý kezeńinde AQSh quramasyn 18:0 esebimen jeńgen bolatyn.
