Qazaqstandyq gımnastar Varnadaǵy Challenge Cup kezeńinde úzdik bestikke endi
ASTANA.KAZINFORM - Bolgarııanyń Varna qalasynda sporttyq gımnastıkadan Challenge Cup kezeńi máresine jetti.
At snarıadyndaǵy jattyǵýda Roman Hegaı 13,600 upaı jınap, besinshi orynǵa turaqtady. Al Zeınolla Idrısov 13,133 upaımen altynshy nátıje kórsetti.
Nýrtan Idrısov saqınalardaǵy jattyǵýdyń fınalynda 13,166 upaı alyp, besinshi oryndy ıelendi.
QR UOK málimetinshe, qol tirep sekirý jattyǵýynyń fınalyna shyqqan Asan Sálimov jarysty altynshy orynmen aıaqtady (13,583). Al kermedegi jattyǵýda Roman Hegaı 11,233 upaı jınap, segizinshi orynǵa jaıǵasty.
Aıta keteıik, Qazaqstan quramasyndaǵy boksshy qyzdar Azııa chempıonatynyń fınalyna shyqty.
