Qazaqstandyq dzıýdoshylar Perýdegi álem chempıonatynyń ekinshi kúnin júldesiz aıaqtady

ASTANA. KAZINFORM – Qazaqstan quramasy dzıýdodan Lımada (Perý) ótip jatqan jastar arasyndaǵy álem chempıonatynda óner kórsetip jatyr. 

Ulttyq olımpıadalyq komıtettiń málimetinshe, ekinshi jarys kúni ulttyq qurama sapynan 3 sportshy tatamıge shyǵyp, eshqaısysy fınaldyq kezeńge óte almady. 

Omar Nurbergenov (73 kelige deıin) ekinshi aınalymda Abdeslam Belbelhaýtqa (Aljır) jol berdi.

Dılnaz Dosbergen alǵashqy kezdesýinde ıspanııalyq sportshy Lıýsııa Karpıoǵa ese jiberdi.

Sondaı-aq Kórkem Orymbek (70 kelige deıin) birinshi beldesýinde japonııalyq balýan Esıno Takahasıden jeńilip qaldy.

Aıta keteıik, Qazaqstan quramasynyń qorjynynda bir kúmis medal bar. Ony birinshi kúni Dana Ábdirova (57 kelige deıin) jeńip alǵan bolatyn.