Qazaqstandyq dárigerler shala týǵan 1500-den astam náresteniń kórý qabiletin qalpyna keltirdi
Byltyr 1500 jańa týǵan náreste eń jańa jabdyqta oftalmologııalyq skrınıngten ótti, onyń kómegimen oftalmologııalyq hırýrgtar arnaıy apparattarda kóz toryn lazerlik koagýlıatsııalaý arqyly 508 shala týǵan náresteniń kórý qabiletin saqtaı aldy, dep habarlaıdy QazAqparat.
Densaýlyq saqtaý mınıstrliginiń málimetinshe, elde merziminen buryn týǵan nárestelerdiń shamamen 35%-y retınopatııadan zardap shegedi, bul shala týǵan nárestelerde kórý qabiletiniń turaqty joǵalýyna ákeletin kóz aýrýy.
Osy aralasýlardyń arqasynda shala týǵan nárestelerde kórý qabiletin saqtaý múmkin boldy.
2008 jyly Qazaqstanda DDU usynǵan tiri týý ólshemsharttary engizildi, nátıjesinde elimizde dene salmaǵy 500 gramnan asatyn balalarǵa kútim jasala bastady. Jyl saıyn respýblıkada 400 myńnan astam bala týady, onyń 5%-y merziminen buryn týady.
Shala týǵan nárestelerdiń osy sanatynyń ómir súrýin arttyrý úshin elde bosandyrý uıymdarynyń qyzmetin retteıtin normatıvtik quqyqtyq aktiler ázirlendi, tıimdi perınataldyq tehnologııalar, qaýipsiz ana bolý qaǵıdattary, perınataldyq kómekti óńirlendirý engizildi.
Shala týǵan balalardyń kórý sapasyn saqtaý úshin respýblıkada oftalmologııalyq skrınıng júrgiziledi.
Іske asyrylǵan is-sharalardyń arqasynda elde oń nátıjelerge qol jetkizildi jáne oftalmologııalyq skrınıngpen qamtýdy jaqsartty.
Patologııanyń dıagnostıkasy retınopatııada syrtqy belgilerdiń bolmaýymen qıyndaıdy jáne tek arnaıy jabdyqty (oftalmoskopty) qoldanatyn mamandandyrylǵan jáne daıyndalǵan oftalmolog bul aýrýdyń erte kórinisterin kóre alady.
Densaýlyq saqtaý mınıstrligi alǵash ret jańa týǵan nárestelerge «Lýtsentıs» preparatyn ıntravıtrealdyq engizý boıynsha klınıkalyq hattamany ázirlep, bekitti, bul oftalmolog dárigerlerdiń pikirinshe, Qazaqstanda shala týǵan nárestelerdiń retınopatııasyn emdeýdegi naǵyz serpilis boldy. Ol retınopatııanyń jiti túrlerin ınektsııalyq emdeýdi qamtıdy, bul balalardyń kórý qabiletin qalpyna keltirýge múmkindik beredi.
Jańa týǵan nárestelerdegi retınopatııany dıagnostıkalaý jáne emdeý boıynsha osyndaı aıqyn nátıjeler QR Densaýlyq saqtaý mınıstrligi men elimizdiń metsenattyq qoǵamdastyǵynyń tıimdi yntymaqtastyǵynyń arqasynda múmkin boldy.
Yntymaqtastyq nátıjesinde shala týǵan nárestelerdiń retınopatııasyn dıagnostıkalaý jáne emdeý Ana men bala ulttyq ǵylymı ortalyǵynda jaqsarady.
Bul medıtsınalyq ortalyqtyń oftalmologııalyq qyzmeti AYALA qorynyń kómegimen «Shevron» kompanııasynan AQSh-ta jasalǵan zamanaýı retınaldyq kamerany aldy. Endi dárigerler shala týǵan nárestelerdegi osyndaı kúrdeli kóz aýrýyn sapaly jáne jedel túrde anyqtap, emdeı alady. Ol úshin UǴABO aktıvinde retınaldyq kamera, oftalmoskop jáne lazerlik hırýrgııalyq qondyrǵy sekildi qajetti oftalmologııalyq jabdyqtyń tolyq jıyntyǵy bar.
Mınıstrlik sondaı-aq 2022 jyly «Qazaqstan halqyna» qoǵamdyq qorynyń elimizdiń 12 óńiri úshin oftalmologııalyq skrınıngke arnalǵan 24 birlik qymbat jabdyqty, «Aıala» qaıyrymdylyq qorynyń elimizdiń 7 óńiri úshin 11 birlik satyp alý máselesin pysyqtady. Oftalmologııalyq skrınıng júrgizý úshin jabdyqtarmen qamtamasyz etý 100%-dy qurady.
