Qazaqstandyq boksshy qyzdar olımpıadaǵa daıyndyqty pysyqtap jatyr

ASTANA. KAZINFORM – Qazaqstandyq boksshy qyzdar olımpıada oıyndaryna daıyndyqty pysyqtaý úshin sońǵy oqý-jattyǵý jıynyn bastap ketti.

Qazaqstan boks federatsııasynan málim etkenindeı, Almaty oblysynda ótip jatqan jıynda bapkerler taktıkalyq jáne psıhologııalyq baǵytqa basymdylyq berýde.

Barlyǵy 28 boksshy sheberligin ushtap jatsa, onyń ishinde úsh sportshy olımpıadaǵa qatysady: Nazym Qyzaıbaı, Karına Ibragımova jáne Valentına Halzova.

Taǵy bir aıta keterlik jaıt, Parıjge ár salmaqta járdemdesetin sportshylar da attanady.

Sparrıng seriktester:

50 keli. Gúlnar Turapbaı,
57 keli. Jaına Shekerbekova,
75 keli. Jasmın Qızatova.

Áıelder komandasy Frantsııaǵa 21 shilde kúni jolǵa shyǵady.

Eske sala keteıik, budan buryn olımpıadada qazaqstandyq boksshy qyzdardyń kimdermen judyryqtasatynyn jazǵan bolatynbyz.