Qazaqstandyq bıatlonshy álem kýbogy kezeńinde mergendik tanytty

ASTANA. KAZINFORM — Germanııanyń Rýpoldıng qalasynda bıatlonnan álem kýbogy kezeńi máresine jetti. 

Osy doda barysynda qazaqstandyqtardan Vladıslav Kıreev úzdik nátıjege ıe boldy.

Ol aldymen 10 shaqyrymdyq sprıntte qos birdeı atý aılaǵynda birde-bir oǵyn múlt jibermeı, 43-orynnan kórindi.

V.Kıreev búgin 60 úzdik bıatlonshynyń arasynda 12,5 shaqyrymdyq iz kesý jarysynda óner kórsetti. Bul joly tórt atý aılaǵynda nysananyń bárin dál kózdegen ol máre syzyǵyn 33-inshi bolyp qıdy. Vladıslav nysana kózdeýde múlt ketpegen úsh bıatlonshynyń biri atandy.

Іz kesý jarysynda norvegııalyq Iohannes Dale-Shevdal chempıon atansa, frantsııalyq Erık Perro ekinshi, shvetsııalyq Martın Ponsılýoma úshinshi orynǵa kóterildi.

Kelesi álem kýbogy kezeńi Chehııanyń Nove-Mesto-na-Morave qalasynda 22-25 qańtar aralyǵynda ótedi. 

Vladıslav Kıreev álem kýbogynyń jalpy esebinde 43 upaımen 51-orynda tur. Nebári 4 upaıy bar Áset Dúısenov 85-satyda.

Eske sala keteıik, budan buryn bıatlonnan álem kýbogynda Vladıslav Kıreevtiń iz kesý jarysynda TOP-20-ǵa kirgenin jazǵan edik.