Qazaqstandyq balýan Parıj Olımpıadasyna joldama aldy
ASTANA. KAZINFORM – Erkin kúresten Qazaqstan komandasynyń múshesi Meırambek Qartbaı tórtjyldyqtyń basty dodasynda baq synaıdy.
Bul týraly Birikken kúres áleminiń (UWW) Qazaqstan UOK-ke joldaǵan resmı hatynda belgili boldy.
Eske sala keteıik, kúres túrlerinen Reseı quramasy Parıj Olımpıadasyna barýdan bas tartty. Al, reseılikter sapyndaǵy Zaýr Ýgýıev Olımpıada joldamasyn ıelenerde bizdiń Meırambek Qartbaıdan basym túsken bolatyn.
Reseı balýandary Olımpıadadan bas tartqan soń, joldamalar qaıta úlestirildi. Osylaısha, qazaqstandyq Meırambek Qartbaı Olımpıada joldamasyna ıe boldy.
Eske sala keteıik, Meırambek Qartbaı 2023 jylǵy álem chempıonatynda besinshi oryn aldy. Ol joldama úshin talasta Olımpıada chempıony Zaýr Ýgýıevke jol berip, qalǵan irikteý týrnırine qatysqan joq.
Aıta ketsek, Meırambek Qartbaı 57 keli salmaqta beldesedi.
