Qazaqstandaǵy ýnıversıtet túlekterdiń qujattaryn onlaın qabyldaıdy
«SANALY URPAQ» jobalyq keńsesiniń baspasóz qyzmetiniń málimetinshe, ýnıversıtet barlyq bıznes-protsesterdi sandyq formatqa kóshirý boıynsha júıeli jumys júrgizedi. Bul ýnıversıtet kórsetetin qyzmetterdiń senimdiligi men sapasynyń ósýine oń áser etedi. Osy baǵyta ál-Farabı atyndaǵy QazUÝ janynan Memlekettik qyzmet isteri jáne sybaılas jemqorlyqqa qarsy is-qımyl agenttigi tarapynan ashylǵan «SANALY URPAQ» jobalyq keńsesimen birlese jumys júrgizilýde.
Onlaın júıeniń araqasynda qujattardy tapsyrý jáne qabyldaý ýaqyty edáýir qysqaryp, olardy tirkeýde ákimshilik kedergiler joıylady. Oqýǵa tapsyrýshylardyń kelý qajettiligi joq. Ári bul rásim qarjy únemdeýge múmkindik beredi. Onlaın júıede qujattardy qabyldaýdyń taǵy bir artyqshylyǵy sheteldik talapkerler ózderiniń turǵylyqty mekenjaıyna qaramastan ýnıversıtetpen tikeleı baılanys ornatý múmkindigine ıe bola alady.
Qujattardy qabyldaýdyń barlyq úderisi avtomattandyrylǵan ári úsh tilde - qazaq, orys jáne aǵylshyn tilderinde qoljetimdi arnaıy ázirlengen baǵdarlamada júzege asyrylady. Aldaǵy ýaqytta osy tizimdi keńeıtý josparlanýda.
Jaqyn jáne alys sheteldik talapkerler tıisti qujattardy tapsyryp sátti tirkeletin bolsa, onda ýnıversıtetke dıstantsııalyq qashyqtyqtan qabyldanatyn bolady. Bul qyzmetti Brazılııa, AQSh, Frantsııa, Germanııa, Indonezııa, Ońtústik Koreıa, Túrkııa, Úndistannan 100-den astam sheteldik paıdalandy. Bıylǵy QazUÝ-ǵa sapaly joǵary bilim alýǵa nıet tanytyp otyrǵan sheteldikter asa kóptep keledi dep kútilýde. Buǵan qazaqstandyq joǵary oqý ornynyń álemdik reıtıngtegi joǵarǵy kórsetkishterden kórinip otyrǵandyǵy septigin tıgizýde.
