Qazaqstandaǵy teri buıymdary kóleńkeli aınalymnan shyǵaryla bastady

  ASTANA. QazAqparat - Qazaqstandaǵy teri buıymdary kóleńkeli aınalymnan shyǵarylyp, salyq tóleýshiler bıýdjettik túsimdi aıtarlyqtaı arttyra bastaǵan. Bul týraly búgin elordadaǵy teri buıymdaryn (qymbat tondardy) satatyn saýda núktelerine reıd jumysy barysynda QR QM Memlekettik kirister komıtetiniń bas sarapshysy Nurdáýlet Oryntaı málim etti, dep habarlaıdy «QazAqparat» HAA tilshisi.

«2017 jyldyń 27 qarashasynda Qazaqstanda teri buıymdardy tańbalaý (markırovka) boıynsha pılottyq joba iske asyrylǵan. Onyń negizinde komıtet tarapynan teri buıymdardy tańbalaý boıynsha salyq tóleýshilerge úsh aı ýaqyt berilgen. Joba boıynsha biz teri buıymdarynyń esebi men tańbalaýy júrgizilip otyratyn tıisti aqparattyq júıeni jasap shyǵardyq. Sonymen qatar, tutynýshylar satyp alǵysy kelgen teri buıymdary týraly tolyqqandy aqparat salynǵan mobıldik qosymsha jasaldy. Mobıldik qosymsha arqyly taýardyń sapa boıynsha quramynan aqparat ala alasyz», - deıdi Nurdáýlet Oryntaı.

Komıtet ókiliniń aıtýynsha, osy joba iske asyrylǵan kezden bastap tereń taldaý júrgizilgen.

«Qazirge deıin 300 myńǵa jýyq teri buıymdardy tańbalaýǵa ótinim berildi. Áý basta biz ótinim beriletin teri buıymdardyń sany ary ketse 100 myńǵa jeter dep boljaǵanbyz. Alaıda ózińiz kórip otyrǵandaı, boljamdy kórsetkish 200 paıyzǵa asyp ketken. Olardyń ishinde bizdiń boljam boıynsha, 200 myń teri buıymy kóleńkeli aınalymda júr. Osylaısha, buryn bilinbegen tondar kóleńkeli naryqtan syrtqa shyǵa bastady. Sáıkesinshe, bul bizdiń bıýdjetke keletin túsimdi arttyryp jiberdi», - deıdi ol.



    

Jobanyń bıýdjetke áser etkeni de ras. Komıtet ókiliniń aıtýynsha, baj salyǵy men salyqtar sońǵy aılarda 47 mıllıon teńgege kóbeıgen.

«Tańbalaýdyń tájirıbesi kórsetip otyrǵandaı, bul mehanızm kóleńkeli aınalymǵa aıtarlyqtaı tosqaýyl qoıady. Onyń negizgi basymdyǵy - tutynýshyǵa taýardyń sapasy týraly shynaıy aqparat bere alýy. Teri buıymdaryn satyp alǵysy keletin kez kelgen adam «Pleı marketke» kirip, mobıldik qosymshany júktep ala alady. Mobıldik qosymsha «Markırovka KZ» dep atalady. Osy qosymsha kıs nómiri arqyly nemese taýardyń kýardkodyn skanerleý jolymen taýardyń sapasyn teksere alasyz», - deıdi ol.
 

Qazirgi ýaqytta salyq tóleýshiler qatań baqylanyp, tekserilip jatqan joq. ıAǵnı, olarǵa osy júıeni úırenip, jumysynda qoldaný beıimdiligine áli de ýaqyt berilgen.

«Qazir bylaısha aıtqanda oqytý úrdisi júrgizilip jatyr. Al keleshekte pılottyq joba alynyp tastalǵannan keıin biz tekseriske shyǵa bastaımyz. Tańbalaý boıynsha ol kezde baqylaý júrgizilgenimen, qazir olarǵa múmkindik berip otyrmyz», - dep túıdi Nurdáýlet Oryntaı.