Qazaqstandaǵy sýdıalar jalaqysy ulttyq kompanııa qyzmetkerinen áldeqaıda tómen- A. Smolın

ASTANA. 13 qarasha. QazAqparat - Qazaqstandaǵy kez-kelgen ulttyq kompanııalarda, tipti atqarýshy organdardaǵy jalaqy sýdıa jalaqysynan joǵary. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Sýdıalar keńesiniń tóraǵasy Anatolıı Smolın málim etti.

«Meniń bilýimshe, sońǵy 10 jyl boıyna eń joǵary jalaqyny sýdıalar alady dep aıtylyp keledi. Alaıda, bul jóninde bizdiń tóraǵa Qaırat Mámı «osydan 10 jyl buryn bul kórsetkish shynymen de joǵary sanalǵan shyǵar» dep durys aıtady. Qazirgi ýaqytta kez kelgen ulttyq kompanııalardaǵy, tipti atqarýshy organdardaǵy jalaqynyń sýdıa jalaqysyna qaraǵanda áldeqaıda joǵary ekendigin senimdi túrde aıta alamyn», - dedi A. Smolın.

Sonymen qatar, keńes tóraǵasy elimizde sýdıalar sanyn arttyrý qajettiligine de nazar aýdardy. «Óıtkeni, qaralyp jatqan ister sany jylyna 10 paıyzǵa deıin artyp keledi. Sondyqtan da elimizdegi sýdıalarǵa kóp aýyrtpashylyq túsip otyr», - dedi ol.