Qazaqstandaǵy «Sartan» tobynyń barlyq dárileri qaýipsiz - DSM komıteti
QR DSM Taýarlar men kórsetiletin qyzmetterdiń sapasy men qaýipsizdigin baqylaý komıtetiniń tóraıymy Lıýdmıla Buırabekovanyń aıtýynsha, komıtet Dárilik zattar men medıtsınalyq buıymdardy saraptaý ultyq ortalyǵymen birlesip, EMA jáne Eýropalyq medıtsınalyq ónim jáne densaýlyq saqtaý sapasy dırektoratynyń sartan tobyna qatysty málimetterin monıtorıngileý bóliginde úlken jumys atqarǵan.
Nátıjesinde, Mylan Laboratories Limited jáne Chjetszıan Hýahaı óndirisiniń «valsartan» farmatsevtıkalyq sýbstantsııasy quramynda «nıtrozamınder» kantserogendi qospasy bar 4 saýdalyq dárilik preparattyń 18 serııasy aınalymnan alyp tastaldy.
«Qazirgi ýaqytta, Qazaqstanda satylatyn «sartan» tobynyń barlyq dárileriniń quramynda «nıtrozamınder» kantserogendik qospa joq ekendigin, bul patsıentterdiń olardy qoldaný qaýipsizdigine kepildik beretinin atap aıta keteıik. Qazaqstanda quramynda sartan bar barlyǵy 120 dárilik preparat tirkelgen»ǵ delingen habarlamada.
Komıtettiń málimetinshe, Qazaqstanda dárilik qaýipsizdikti qamtamasyz etý maqsatynda qoldaný nátıjesinde halyqta jaǵymsyz áser paıda bolatyn faktileri tirkeletin dárilik zattardyń jaǵymsyz áserlerin monıtorıngileý jáne farmatsevtıkalyq qadaǵalaý bóliginde turaqty negizde jumys júrgiziledi. Bul sharalar sol nemese ózge de dárilik preparattardan bolǵan jaǵymsyz reaktsııalardyń oshaǵyn dereý anyqtaýǵa jáne den qoıýǵa múmkindik beredi.
«Qazaqstanda tirkelgen dárilik zattar týraly barlyq aqparatty QR DSM Dárilik zattar men medıtsınalyq buıymdardy saraptaý ulttyq ortalyǵynyń saıtynda «Memlekettik tirkelim» bóliminnen nemese DariKz mobıldik qosymshadan tabýǵa bolatynyn eske salamyz», delingen habarlamada.
Eske sala keteıik, buryn 2018 jylǵy tamyz aıynan bastap «Chjetszıan Hýahaı Farmasıýtıkals» kompanııasy óndirgen quramynda valsartany bar preparattar Qazaqstan naryǵynda aınalymnan shyǵaryldy.
Sondaı-aq, valsartan preparattary júrek-qantamyrlary júıesiniń kúrdeli dertterin emdeý úshin qoldanylatyndyqtan ony qoldanýdy emdeıtin dárigerdiń ruqsatynsyz toqtatpaý kerektigi eskertildi. ıAǵnı bul preparattar jazylǵan patsıentter basqa dárige aýystyryp berý úshin tez arada dárigerge barýy kerek edi.