Qazaqstandaǵy NEET jastar: Qandaı sharalar qabyldanýda

ASTANA. QazAqparat - QR Qoǵamdyq damý mınıstri Darhan Káletaev NEET sanatyndaǵy jastardyń úlesin tómendetý sharalary týraly aıtty, dep habarlaıdy QazAqparat tilshisi.

«Birqatar problemalar bar, olardyń arasynda NEET sanatyndaǵy jastar, sýıtsıd pen jas otbasylardyń ajyrasý jaǵdaıyn atap ótken jón. NEET sanatyndaǵy jastar úlesin tómendetý maqsatynda keshendi sharalar qabyldanyp jatyr», - dedi mınıstr Parlament Májilisindegi Úkimet saǵatynda

Osy oraıda ol 2018 jyldyń qyrkúıek aıynda Qazaqstan Úkimeti NEET jastardy jumyspen qamtý jáne áleýmettendirý boıynsha jol kartasyn qabyldaǵanyn eske saldy.

«Bul máselede jol kartasy bizdiń birinshi tetigimiz bolyp otyr. Karta NEET jastarymen 8 sanat boıynsha jumys isteýge jol ashty. Olardyń arasynda jumyssyz jastar, aýyl jastary, múmkindigi shekteýli jastar, orta bilimi bar eńbekpen qamtylǵan jastar, eń tómengi kúnkóris deńgeıinen tabysy tómen jastar, jumys tájirıbesi joq bilimdi jastar, kishkentaı balalary bar jas áıelder, beıáleýmettik jastar qamtylǵan», - dedi vedomstvo basshysy.

Darhan Káletaevtyń aıtýynsha, bul jumystar alty baǵyt boıynsha júrgiziledi. Osy oraıda kásiptik baǵyt, kásibı oqytý, jumyspen qamtý, jastar kásipkerligin damytý, jastardy áleýmettendirý, uıymdastyrý-ádistemelik sharalar qamtyldy.

Aıta keteıik, NEET termıni (NEET - NotinEmployment, EducationorTraining - jumys istemeıtin, oqymaıtyn, jumys izdeýge umtylmaıtyn jastar) 1999 jyly resmı qujattarda - 16-18 jas aralyǵyndaǵy jastar problemalaryna arnalǵan Ulybrıtanııa úkimetiniń baıandamasynda qoldanylǵan bolatyn.