Qazaqstandaǵy mal azyǵynyń bazasyn damytý qalaı júrgizilmek
«Memleket basshysynyń 2021 jylǵy 1 qyrkúıektegi Qazaqstan halqyna Joldaýynda bergen tapsyrmalaryn oryndaý úshin Aýyl sharýashylyǵy mınıstrligi birqatar júıeli sharalar qabyldaıtyn bolady. Aýa raıy faktorlarynyń aýyl sharýashylyǵy óndirisine teris áserin boldyrmaý, sondaı-aq mal sharýashylyǵynyń azyqtyq bazasyn damytý maqsatynda eginshilikte naqty ártaraptandyrý isi júzege asyrylady. Bul úshin aýyl sharýashylyǵy taýaryn óndirýshiler arasynda keńinen túsindirý jumystary júrgiziledi. Sondaı-aq jer paıdalanýshylardyń qazirgi zamanǵy tsıfrlyq tehnologııalardy, ǵaryshtyq monıtorıng pen Jerdi qashyqtan zondtaýdy, ártaraptandyrý protsesin memlekettik retteý sharalaryn paıdalana otyryp, jaldaý sharty aıasynda ózderine qabyldaǵan mindettemelerdi oryndaýyn baqylaý tetikteri ázirlenetin bolady», - dedi E. Qarashókeev.
Onyń aıtýynsha, nátıjesinde azyqtyq daqyldardy ósirý alańynyń aýyspaly egistegi úlesi ǵylymı negizdelgen normalarǵa deıin jetkizilip, keminde 2 ese ulǵaıady.
«Jaıylymdardy tıimdi paıdalaný maqsatynda olardy baqylaýdyń jańa ádisteri, tıisti memlekettik qoldaý sharalary barynsha paıdalanylatyn bolady. Sondaı-aq jaıylymdardy túbegeıli jáne jeńil-jelpi jaqsartý, sonymen qatar sýlandyrýdyń barynsha tıimdi modelderin qoldana otyryp, jańa jaıylymdyq jerlerdi aınalymǵa tartý arqyly jaıylymdardyń ónimdiligin arttyrýdyń jańa tásildemeleri ázirlenip, engiziledi», - dedi E. Qarashókeev.
Eske salsaq, 1 qyrkúıek kúni QR Prezıdenti Qasym-Jomart Toqaev «Halyq birligi jáne júıeli reformalar – el órkendeýiniń berik negizi» atty halyqqa Joldaýyn jarııalady. Joldaýdyń tolyq mátini myna jerde.