Qazaqstandaǵy 11 banktiń aktıvteri ósti
«Bir aıda eldegi ekinshi deńgeıli bankterdiń qaryz qorjyny 378,2 mlrd teńgege, maýsym aıynyń qorytyndysy boıynsha 13,6 trln teńgege (+2,9%) deıin ulǵaıdy. Osylaısha 28 qazaqstandyq banktiń 21-i aıdy «+ kórsetkishpen» aıaqtap otyr», - dep jazady Ranking.kz.
Maýsym aıynda bárinen ForteBank-tiń jaǵdaıy jaqsarǵan. Bir aıda qaryz qorjynyn 75,8 mlrd teńgege arttyryp, jalpy qor 730,2 mlrd teńgege jetken. Bul barlyq ekinshi deńgeıli bank qaryzdarynyń jıyntyq kóleminiń 5,4 paıyzy.
Ekinshi orynda memlekettik turǵyn úı qurylys jınaq banki tur. Bul bank bir aı ishinde nesıe qorjynyn 54,3 mlrd teńgege arttyryp,jalpy qordy 821,2 mlrd teńgege jetkizgen. Barlyq ekinshi deńgeıli bankterdiń nesıe portfelindegi banktiń úlesi 5,8 paıyzdan 6 paıyzǵa artqan.
Kórsetkishin kótergen bankterdiń bestigine Kaspi Bank (+ 48,8 mlrd teńge), Sberbank (+ 41,1 mlrd teńge) jáne TsentrKredıt banki (+ 39,8 mlrd teńge) kirdi.
«Bankter nesıeleýdiń ósýimen qatar, aktıvter kólemin de ósirýde. Bir aı ishinde kórsetkish 428,6 mlrd teńgege, jalpy aktıv qory 25,4 trln teńgege deıin ósti. Máselen, ForteBank jyldyq aktıvter kólemin kúrt ulǵaıtyp(+86,5 mlrd teńge), Halyq Bankinen (+101,4 mlrd teńge) keıingi orynǵa shyqty», - delingen saıttyń aqparatynda.
Aktıvterdiń ósýi boıynsha úzdiker quramyna Sberbank (+ 88,9 mlrd teńge), Jýsan Bank (+ 52,6 mlrd teńge) jáne Sıtıbank (+48,7 mlrd teńge maýsym aıyna) kirdi.
Eske salsaq, Ulttyq bank QR Prezıdentiniń tapsyrmasyn boıynsha 1 tamyzdan bastap bank sektory aktıvteriniń sapasyn baǵalaıtyn AQR júıesin iske qosty. Protsess eldiń bank sektory aktıvteriniń shamamen 87% - yn alatyn 14 iri bankti qamtıdy. Olar:Qazaqstan Halyq Banki, ForteBank, Sberbank, Kaspi Bank, Bank TsentrKredıt, ATF Bank, Eýrazııalyq Bank, Jýsan Bank, Bank RBK, Alfa-Bank, Altyn Bank, Nurbank, Bank Hoým Kredıt jáne VTB Qazaqstan.
