Qazaqstandaǵy ortasha jalaqy 11 paıyzǵa ósti
ASTANA. KAZINFORM - 2024 jylǵy III toqsanda Qazaqstan Respýblıkasy boıynsha aılyq jalaqynyń ortasha máni 2023 jylǵy tıisti toqsanǵa qaraǵanda 11,3%-ǵa ósip, 390328 teńgeni qurady. Bul týraly Ulttyq statıstıka bıýrosy habarlady.
Ótken toqsanymen salystyrǵanda aılyq jalaqysynyń ortasha máni 3,2%-ǵa tómendedi, naqty jalaqy ındeksi 95,3% qurady.
Óńirlik bóliniste 2023 jyldyń tıisti toqsanymen salystyrǵanda 2024 jyldyń III toqsanynda ortasha aılyq ataýly jalaqynyń eń kóp ósýi Shymkent qalasynda – 16,1%-ǵa, Almaty qalasynda – 15,2%-ǵa, Abaı jáne Aqtóbe oblystarynda – 14,2%-ǵa, Qostanaı oblysynda – 14,0%-dy qurady.
Qazaqstan Respýblıkasyndaǵy jalaqynyń medıanalyq máni baǵalaý boıynsha 2024 jyldyń III toqsanynda 269378 teńgeni qurady.
«2023 jyldyń tıisti toqsanymen salystyrǵanda ortasha aılyq jalaqynyń eń joǵary ósýi aqparat jáne baılanysta – 28,1 ese, qarjy jáne saqtandyrý qyzmeti – 24,3%-ǵa, jyljymaıtyn múlikpen operatsııalar – 18,7%-ǵa, óner, oıyn-saýyq jáne demalys – 18,0%-ǵa, salalarynda baıqaldy. Ónerkásipte ortasha aılyq jalaqy – 13,8%-ǵa ósti, onyń ishinde elektr energııasymen, gazben, býmen, ystyq sýmen jáne aýany kondıtsııalaýmen jabdyqtaý salasynda – 20,6%-ǵa, sýmen jabdyqtaý; sý burý; qaldyqtardy jınaý, óńdeý jáne joıý, lastanýdy joıý boıynsha qyzmet salasynda – 18,3%-ǵa. 2023 jyldyń tıisti toqsanymen salystyrǵanda ortasha aılyq jalaqynyń eń tómengi ósýi, memlekettik basqarý jáne qorǵanys; mindetti áleýmettik qamsyzdandyrý– 5,9%-ǵa, qurylys– 5,3%-ǵa salalarynda baıqaldy», - delingen Ulttyq statıstıkalyq bıýro habarlamaasynda.
Sonymen qatar, salalyq qurylymda eń joǵary ataýly jalaqy taý-ken óndirý ónerkásibi jáne karerlerdi qazýda– 2,2 ese, qarjy jáne saqtandyrý qyzmeti – 2,1 ese, kásibı, ǵylymı jáne tehnıkalyq qyzmetinde – tıisinshe 1,5 ese , kólik jáne jınaqtaýda – 1,4 ese joǵary bolyp tirkeldi.
