Qazaqstandaǵy komplaens qyzmetterine ózgerister engizilmek

ASTANA. KAZINFORM – Kommertsııalyq baǵdarlanǵan iri zańdy tulǵalarda ǵana sybaılas jemqorlyqqa qarsy komplaens qyzmetterin qurý máselesi qarastyrylyp jatyr. Bul týraly Premer-Mınıstr Oljas Bektenovtyń Senat depýtattarynyń saýalyna bergen jaýabynda aıtylǵan.

«Búgingi tańda sybaılas jemqorlyqqa qarsy zańnamaǵa sáıkes 6 myńnan astam  sektor sýbektisi jumys isteıdi. Olardyń qatarynda kommertsııalyq emes aktsıonerlikvazımemlekettikk qoǵamdar da bar. Atap aıtqanda, 40-qa jýyq joǵary jáne joǵary oqý ornynan keıingi bilim berý uıymy «kommertsııalyq emes aktsıonerlik qoǵam» nysanynda jumys isteıdi. Sybaılas jemqorlyqqa qarsy zańnamanyń saqtalýyn qamtamasyz etý maqsatynda atalǵan joǵary oqý oryndarynda sybaılas jemqorlyqqa qarsy is-qımyl jónindegi komplaens qyzmetter nemese komplaens-ofıtserler jumys isteıdi. Sonymen qatar Sybaılas jemqorlyqqa qarsy is-qımyl agenttigi (budan áriAgenttik) shaǵyn memlekettik kásiporyndardy osy tizimnen alyp tastap, kommertsııalyq baǵdarlanǵan iri zańdy tulǵalarda ǵana komplaens qyzmetterin qurý máselesin qarastyrýda», -dedi Oljas Bektenov.

Buǵan deıin sybaılas jemqorlyqqa qarsy is-qımyl sharalaryn qabyldamaǵan basshy úshin ákimshilik jaýapkershilikke tartylýy múmkin ekendigin jazǵan edik.