Qazaqstandaǵy klımat qalaı ózgerip jatyr

ASTANA. KAZINFORM — «Qazgıdromet» RMK Gıdrometeortalyǵynyń dırektory Marına Shmıdt elimizde qandaı klımattyq ózgerister bolyp jatqanyn aıtyp berdi.

Onyń aıtýynsha, Qazaqstandaǵy klımattyq ózgerister temperatýranyń joǵarylaýynan jáne jel jyldamdyǵynyń tómendeýi sebepti aıqyn biline bastady.

— Bizde aıazdy kúnder azaıdy, sondaı-aq ortasha jel jyldamdyǵy da tómendedi. Bul bizdiń Qazaqstan úshin ádetten tys jaǵdaı, óıtkeni bizde kóbine kúshti jelder baıqalatyn. Jalpy, ıá, klımattyń ózgerýi baıqalyp otyr, — dedi Marına Shmıdt elordada ótken baspasóz máslıhatynda.

Spıker elimizde klımattyń ózgerýin zertteıtin ǵylymı-zertteý ortalyǵy jumys isteıtinin atap ótti.

Sonymen birge, Qazgıdromettiń uzaq merzimdi aýa raıy boljamdary basqarmasynyń basshysy Juldyz Isabekova Astana aınalasyna egilgen «Jasyl beldeý» de óz nátıjesin bergenin, elordanyń aýa raıy anaǵurlym qolaıly bola túskenin aıtty.

Eske sala ketsek, Qazgıdromet kompanııasy aldaǵy qys mezgiline arnalǵan aýa raıynyń konsýltatıvtik boljamyn usyndy. Bıyl jaýyn-shashynnyń mol túsýi jáne aýa temperatýrasynyń jıi aýytqýy boljanyp otyr.