Qazaqstannyń qaı óńirinde zeınetker kóp turady

ASTANA. KAZINFORM — «Azamattarǵa arnalǵan úkimet» Memlekettik korporatsııasy qazaqstandyq zeınetkerler eń kóp turatyn óńirlerdiń top-10 tizimin jarııalady. 

Zeınetkerlerdiń sany jaǵynan Almaty kósh bastap turǵany belgili boldy.

Korporatsııanyń málimetinshe, qazirgi tańda Qazaqstanda shamamen 2,5 mıllıon zeınetker bar.

Birinshi orynda–Almaty qalasy. Munda 260 364 zeınetker bar.

Ekinshi orynda–Túrkistan oblysy, onda 206 065 zeınetker tirkelgen.

Úshinshi orynda–Qaraǵandy oblysy, bul óńirde 186 093 adam zeınetkerlik jasta.

Kóshbasshy ondyqqa sondaı-aq kelesi óńirler kiredi:

• Almaty oblysy — 173 706
• Astana qalasy — 153 911
• Jambyl oblysy — 143 378
• Qostanaı oblysy — 142 276
• Shyǵys Qazaqstan oblysy -141 676
• Pavlodar oblysy — 125 474
• Aqmola oblysy — 118 905

Aıta keteıik, buǵan deıin zeınetkerler múmkindigi shekteýli jubaılaryna jeke kómekshi bola alatynyn jazdyq.