Qazaqstanda jýrnalıstıka mamandyǵy qalaı oqytylady
ASTANA. KAZINFORM – Elimizdiń 33 joǵary oqý ornynda «Jýrnalıstıka jáne aqparat» boıynsha bolashaq mamandar bilim alady. QR Ǵylym jáne joǵary bilim mınıstrligi 28 maýsym – Buqaralyq aqparat quraldary kúni qarsańynda eldegi jýrnalıstıka kadrlaryn daıarlaý týraly kórsetkishterdi baıandady.
Jyl saıyn myńnan astam «bolashaq jýrnalıst» dıplom alady
Qazirgi ýaqytta elimizdiń 33 joǵary oqý orny «Jýrnalıstıka jáne aqparat» baǵyty boıynsha kadrlardy daıarlaıdy. 2024-2025 oqý jylynda atalǵan baǵyt boıynsha 5881 adam bakalavrıatta, 287 adam – magıstratýrada jáne 73 adam – doktorantýrada oqyp jatyr.
Olardyń ishinde 2 342 stýdent memlekettik bilim berý tapsyrysy negizinde oqıdy.
− 2024 jyly 1267 adam «Jýrnalıstıka jáne aqparat» baǵyty boıynsha oqýyn aıaqtaǵan (bakalavrıat – 1 267 adam, magıstratýra – 166 adam, doktorantýra – 11 adam). Qazirgi ýaqytta bilim berý mazmunyn jańartý, oqý baǵdarlamalaryn ıkemdi etý baǵytynda jumystar júrgizilýde. Bolashaqta eńbek naryǵynyń suranysyn eskerip, qysqa merzimdi kásibı baǵdarlamalar men quzyrettilikke negizdelgen modýldik júıelerdi engizý múmkindigi qarastyrylyp jatyr, − dep jazylǵan mınıstrliktiń resmı jaýabynda.
Sonymen birge, medıa salasyna keletin kadrlardyń sapasyn arttyrý úshin óndiristik praktıkany jańǵyrtý, medıa uıymdarmen áriptestikti keńeıtý, JOO men naryqtyń baılanysyn kúsheıtý, medıasheberhanalar men zerthanalar ashý kózdelgen.
Salalyq baǵyttar qalaı oqytylady
Sonymen birge, «Jýrnalıstıka jáne aqparat» mamandyǵy boıynsha 105 bilim berý baǵdarlamasy ázirlengen. Onda Teleradıojýrnalıstıka, Tsıfrlyq medıa, Data-jýrnalıstıka, IT-jýrnalıstıka, Mobılografııa sekildi salalyq baǵyttar engizilýde.
Mysaly Astana IT University «Tsıfrlyq jýrnalıstıka», «IT-jýrnalıstıka» baǵdarlamalaryn, ál-Farabı atyndaǵy QazUÝ – magıstratýra deńgeıinde «Data-jýrnalıstıka», Qoja Ahmet ıAsaýı atyndaǵy Halyqaralyq qazaq-túrik ýnıversıteti – «Jýrnalıstıka», «Tsıfrlyq medıa», «Teleradıojýrnalıstıka» baǵyttaryn qosqan.
− Tsıfrlyq transformatsııa men jasandy ıntellektiniń damýyna oraı bilim berý mazmuny únemi jańartylyp otyr. Bilim berý baǵdarlamalaryna «Veb-jýrnalıstıka jáne transformatsııa», «Qazirgi medıa tehnologııalar», «Aqparat naryǵynyń konıýnktýrasy», «Transmedıa storıtellıng», «Medıa zertteý ádisteri» pánderi engizilgen. Bul pánder jasandy ıntellekt pen tsıfrlyq quraldardy tıimdi qoldana alatyn zamanaýı jýrnalısterdi daıarlaýǵa baǵyttalǵan.
249 medıamaman «Bolashaq» baǵdarlamasymen bilim alǵan
2003 jyldan 2025 jylǵa deıin «Bolashaq» baǵdarlamasy aıasynda jýrnalıstıka jáne medıa salasy boıynsha 249 maman shetelde bilim alǵan. Olardyń basym bóligi magıstratýrada – 200 adam, taǵylymdamada – 25 adam, bakalavrıatta – 21 adam jáne doktorantýrada – 2 adam oqyǵan.
Qazaqstandyq medıamamandar bilim alǵan jetekshi oqý oryndary qatarynda Columbia University, New York University, University of Leeds, University of Southern California, London School of Economics, M.V. Lomonosov atyndaǵy MMÝ bar.
Memleketter boıynsha, olar Ulybrıtanııa (123 adam), AQSh (89), Reseı (22), Germanııa, Qytaı, Polsha, Avstralııa, Frantsııa, Italııa, Chehııa elderin tańdaǵan.
Buǵan deıin eldegi birneshe BAQ-tyń redaktory jasandy ıntellekt eldegi jýrnalısterdiń jumysyna qalaı yqpal etkenin aıtyp bergen edi.
2019 jyly Prezıdent Qasym-Jomart Toqaev jýrnalısterdiń kásibı merekesin bekitý jóninde Úkimetke tapsyrma bergen bolatyn. Úkimettiń tıisti Qaýlysy jarııalanyp, 28 maýsym kúni Buqaralyq aqparat quraldary qyzmetkerleriniń merekesi atalyp ótetin boldy.