Qazaqstanda joǵary oqý oryndaryna jańa biliktilik talaptary bekitildi

QR Ǵylym jáne joǵary bilim mınıstriniń buıryǵymen joǵary jáne joǵary bilimnen keıingi bilim berý uıymdarynyń bilim berý qyzmetine qoıylatyn biliktilik talaptary jáne rastaıtyn qujattar tizimi bekitildi, dep habarlaıdy Kazinform.

Negizgi biliktilik talaptaryna mynalar jatady:

- QR Ǵylym jáne joǵary bilim mınıstrliginiń bilim berý baǵdarlamalarynyń tizilimine engizilgen bilim berý baǵdarlamasynyń bolýy.

- Oqý tilderi boıynsha bilim berý baǵdarlamalarynyń 100% pánderin qamtamasyz etetin baspa jáne (nemese) elektrondy basylymdar formatynda oqý, oqý-ádistemelik jáne ǵylymı ádebıetterdiń kitaphana qorynyń bolýy («Ulttyq qaýipsizdik jáne áskerı is» salasy kadrlaryn daıarlaý baǵyttary úshin – beıindeýshi tsıkl pánderin qospaǵanda).

- Oqý korpýstaryn jabdyqtalǵan medıtsınalyq pýnkttermen qamtamasyz etý. Medıtsınalyq qyzmetke lıtsenzııanyń bolýy. «Ulttyq qaýipsizdik jáne áskerı is» salasynda kadr daıarlaýdy iske asyratyn joǵary jáne joǵary bilimnen keıingi bilim berý uıymy úshin – bilim alýshylarǵa medıtsınalyq qyzmet kórsetilýi.

- Oqý korpýstarynda bilim alýshylardyń tamaqtanýy úshin jaǵdaı jasaý.

- Bilim berý qyzmetteriniń sapasyn qamtamasyz etetin qajetti oqý korpýstarynyń bolýy:

1) Memlekettik organdardyń nemese kvazımemlekettik uıymdardyń qatysýymen joǵary jáne joǵary bilimnen keıingi bilim berý uıymyna menshikti ne sharýashylyq júrgizý nemese jedel basqarý nemese senimgerlik basqarý quqyǵynda keminde 5% tıesili bolýy;

2) Sanıtarlyq qaǵıdalarǵa saı keletin alańy bar oqý ǵımarattarynyń bolýy;

3) órt qaýipsizdigi qaǵıdalaryna saı kelýi;

4) Joǵary jáne joǵary bilimnen keıingi bilim berý uıymynyń úı-jaılary men irgeles aýmaqtaryn beınebaqylaýmen qamtamasyz etý;

- Erekshe bilim berý qajettilikteri bar bilim alýshylar úshin bilim berý qyzmetterine kedergisiz teń jaǵdaı jasaý:

1) kirý joldarynyń, aqparattyq-navıgatsııalyq qoldaý quraldarynyń bolýy, baspaldaqtardy pandýstarmen nemese kótergish qurylǵylarmen qaıtalaý, baspaldaqtar men pandýstardy tutqalarmen jabdyqtaý, esikter men baspaldaqtardy kontrastty boıaýmen boıaý, múgedektigi bar adamdar úshin avtokólik quraldaryn turaqqa qoıý úshin oryn bólý;

2) oqytý quraldarymen, oqý ádebıetterimen, beıimdelgen baǵdarlamalarmen jabdyqtalǵan arnaıy kabınettiń bolýy;

3) ınklıýzıvti bilim berý ádistemesi boıynsha biliktilikti arttyrý kýrstarynan nemese taǵylymdamadan/qaıta daıarlaýdan ótken mamandardyń bolýy.

- Symsyz tehnologııalar, kompıýterlik kabınetter, mamandandyrylǵan lıtsenzııalanǵan baǵdarlamalyq qamtamany qosa alǵanda, keń jolaqty ınternettiń bolýy;

- edu.kz aımaǵynda úshinshi deńgeıli domendik ataýdyń bolýy.

- Joǵary jáne joǵary bilimnen keıingi bilim berý uıymynyń aqyly negizde 1 bilim alýshyǵa eń tómengi shyǵyndarynyń memlekettik bilim berý tapsyrysy qunynyń keminde 50%-na saı bolýy.

- Oqytýshylardyń keminde 3 jylda 1 ret keminde 72 saǵat biliktiligin arttyrýdan ótýin qamtamasyz etý.

- Joǵary jáne joǵary bilimnen keıingi bilim berý uıymy basshylarynyń jáne onyń menedjment salasyndaǵy orynbasarynyń 3 jylda keminde 1 ret biliktiligin arttyrýdy qamtamasyz etý.

- Bilim berý baǵdarlamasyna sáıkes, kadrlardy daıarlaý baǵyty boıynsha mamandandyrylǵan ǵylymı-tehnıkalyq jáne (nemese) ǵylymı-ádistemelik jáne (nemese) shyǵarmashylyq jáne (nemese) eksperımenttik bazamen qamtamasyz etý.

- Turý úshin jaǵdaı jasaý (jataqhanalarmen/[hosteldermen/ qonaq úılermen qamtamasyz etý).

- Bilim týraly berilgen qujattardyń, sondaı-aq dıplomdyq jumystardyń, magıstrlik dıssertatsııalardyń (elektrondy bazaǵa nemese aqparattyq resýrstarǵa qol jetkizý) jumys isteıtin elektrondy derekter bazasynyń (muraǵat) bolýy.

Sonymen birge, bul buıryq Joǵary jáne joǵary bilimnen keıingi bilim berý uıymynyń bilim berý qyzmetine fılosofııa doktory (PhD) jáne beıini boıynsha doktor dárejesin bere otyryp, bakalavrlardy, magıstrlerdi, rezıdentýrany, joǵary oqý ornynan keıingi bilim boıynsha daıarlaý úshin, sondaı-aq onlaın oqytý júrgizetin stýdentterge qoıylatyn beıindik biliktilik talaptaryn belgilegen.

Qujat halyqaralyq jáne sheteldik oqý oryndarynyń da bilim berý qyzmetine qoıylatyn biliktilik talaptaryn qamtıdy.

Jalpy biliktilik talaptarynan bólek, olar mynadaı sharttarǵa sáıkes kelýi kerek:

- Ǵylym jáne joǵary bilim salasyndaǵy ýákiletti organ bergen/tanyǵan oqytýshylardyń ǵylymı dárejesi beıininiń (ǵylym kandıdaty/ǵylym doktory/fılosofııa doktory PhD/beıini boıynsha doktor) oqytylatyn pánder beıinine sáıkestigi.

– Negizgi jumys orny lıtsenzıat bolyp sanalatyn oqytýshylar úlesi bilim berý baǵdarlamalary boıynsha oqytýshylardyń jalpy sanynyń keminde 50% quraýy kerek.

- Ǵylym jáne joǵary bilim salasyndaǵy ýákiletti organ bergen/tanyǵan ǵylymı (akademııalyq) dárejesi (ǵylym kandıdaty/ǵylym doktory/fılosofııa doktory PhD/beıini boıynsha doktor) jáne (nemese) ǵylymı ataǵy bar lıtsenzıat negizgi jumys orny bolyp sanalatyn bilim berý baǵdarlamalary bólinisinde oqytýshylardyń úlesi jáne kadrlardy daıarlaý beıini jáne «Qazaqstan Respýblıkasynyń eńbek sińirgen jattyqtyrýshysy» sporttyq ataǵy boıynsha QR memlekettik nagradalaryna ıe bolǵan oqytýshylar keminde 70% bolýy kerek.

- Ǵylym jáne joǵary bilim salasyndaǵy ýákiletti organ bergen/tanyǵan, ǵylymı-pedagogıkalyq jumys ótili keminde 3 jyl bilim berý baǵdarlamasynyń beıinine sáıkes keletin ǵylymı (akademııalyq) dárejesi (ǵylym kandıdaty/ǵylym doktory/fılosofııa doktory PhD/beıini boıynsha doktor) bar oqytýshylardyń bolýy, olardyń halyqaralyq retsenzııalanatyn ǵylymı jýrnalda keminde 2 maqalanyń avtory, JCR (JJJ) derekteri boıynsha ımpakt-faktory bar jáne Web of Science Core Collection derekqorynda ındeksteletin (Arts and Humanities Citation Index, Science Citation Index Expanded, Social Sciences Citation Index nemese Scopus derekqorynda citescore boıynsha keminde 25 paıyzdyq kórsetkishi bolýy.

- Azamattyq zańnamaǵa sáıkes, bilim berý baǵdarlamalarynyń beıini boıynsha praktıka bazalary bar sharttardyń bolýy.

Buıryq 2024 jyldyń 12 naýryzynda kúshine enedi.