Qazaqstanda jerleý rásiminiń baǵasy ózgerdi

ASTANA. KAZINFORM — Qazaqstanda jerleý qyzmetiniń quny 5 paıyzǵa qymbattady, dep jazady Finprom.

2024 jyly Qazaqstanda 132,9 myń adam qaıtys boldy. Bul 2023 jyldyń sáıkes kezeńimen salystyrǵanda 1,7%-ǵa kóp. Qaıtys bolǵandar sanynyń tórtten bir bóligi halyq tyǵyz ornalasqan úsh aımaqta tirkelgen:

* Almaty (12,2 myń adam); 
* Qaraǵandy (10,6 myń adam);
* Túrkistan oblysy (10,1 myń adam).

Sarapshylar atap ótkendeı, jerleýdi uıymdastyrý jáne onymen baılanysty qyzmet salasynda kórsetiletin qyzmet kólemi ekinshi jyl qatarynan azaıyp keledi. 2024 jyly ol 4,9 mlrd teńgeni qurady, bul 2023 jyldyń sáıkes kezeńimen salystyrǵanda birden 38,2%-ǵa az. 2022 jyldyń kóńil kónshitpeıtin joǵary kórsetkishterimen salystyrǵanda sektordaǵy qyzmet kórsetý kólemi 3 esege jýyq qysqardy.

Sonymen qatar, 2024 jyly qaıtys bolǵandardyń jalpy sanynyń 40%-dan azy aýyldyq jerlerde tirkelgen, al aýyldaǵy jerleý rásimderin uıymdastyrý qyzmetteri sektordaǵy qyzmetterdiń jalpy kóleminiń tek 5,7%-yn qurady.

Bul rette sarapshylar jerleý qyzmetteriniń baǵasy tórt jyldan astam ýaqyt boıy tómendemegenin anyqtady. Aǵymdaǵy jyldyń naýryz aıynyń qorytyndysy boıynsha olar ózgermeı, al bir aı buryn 0,3% ósim kórsetti. Bir jyl ishinde jerleý qyzmetteri ótken jylǵy 13%-ben salystyrǵanda 4,9%-ǵa qymbattady.

Aımaqtyq mánde eń kóp jyldyq baǵa ósimi Batys Qazaqstan oblysynda baıqaldy: bir jarym ese. Odan keıin tizimde myna aımaqtar tur:

* Jetisý oblysy — 23,1%
* Aqtóbe oblysy — 11,1%.

Qyzmet quny qatty qymbattamaǵan aımaqtar: 

* Almaty oblysy — 4,1%;
* Abaı oblysy — 6,1%;
* Qaraǵandy oblysy — 6,7%.

Qazaqstannyń 20 óńiriniń 11-inde jerleý qyzmetteriniń quny ósti, al qalǵan aımaqtarda baǵa tómendemeı, burynǵy deńgeıde qaldy.

Budan buryn Ispanııada jerleýge apara jatqan áıel aıaq astynan «tirilip» ketkeni belgili boldy.