Qazaqstanda jarty mıllıonnan astam pedagog bar

ASTANA. QazAqparat - 2021-2022 oqý jylynda Qazaqstandaǵy pedagogter sany 555 014 adamdy qurady. Bul týraly QR Strategııalyq josparlaý jáne reformalar agenttigi Ulttyq statıstıka bıýrosynan málim etti, dep habarlaıdy QazAqparat.

Byltyrǵy oqý jylynyń basynda mektepke deıingi uıymdarda 96 723 pedagog eńbek etti, onyń ishinde:

- 30 jasqa deıingi pedagogter – 22,7% (21 931 adam)

- 30 - 39 jas aralyǵyndaǵy pedagogter – 32,4% (31 363 adam)

- 40 - 49 jas aralyǵyndaǵy pedagogter – 26,1% (25 259 adam)

- 50 - 59 jas aralyǵyndaǵy pedagogter – 16,2% (15 662 adam)

- 50 jastan joǵary pedagogter – 2,6% (2 508 adam)

- zeınet jasyndaǵy pedagogter – 2,5% (2 445 adam).

Mektepke deıingi uıymdarda qyzmet jasaıtyn 3 826 ustaz aǵylshyn tilin meńgergen.

Jalpy bilim beretin mektep ustazdarynyń sany ótken oqý jylynda 385 830 adamdy qurady, onyń ishinde 80% astamy – áıelder (311 623 adam).

Tehnıkalyq jáne kásiptik, orta bilimnen keıingi bilim berý uıymdarynda byltyr36 083 pedagog eńbek etti, onyń ishinde áıelderdiń úlesi – 72% (25 985 adam).

Joǵary jáne joǵary oqý ornynan keıingi bilim berý uıymdarynda 2021-2022 oqý jylynyń basynda oqytýshylardyń negizgi (shtattyq) quramynyń sany 36 378 adamdy qurady.

Onyń ishinde akademııalyq dárejesi boıynsha:

- 13 818 pedagog magıstr – 38%

- 11 116 pedagog ǵylym kandıdattary – 30,5%

- 3 410 pedagog fılosofııa doktorlary (PhD) – 9,4%

- 2 649 pedagog ǵylym doktorlary – 7,3%

- 138 pedagog beıini boıynsha doktor – 0,4%.

Magıstr akademııalyq dárejesi bar oqytýshylardyń eń kóp sany Almaty qalasynda (4 489 adam), odan keıin Astanada (1 387 adam) jáne Qaraǵandyda (1 230 adam) turady.

Aıta keteıik, joǵary jáne joǵary oqý ornynan keıingi bilim berý uıymdaryndaǵy pedagogterdiń 45% (16 368 adam) 40 jáne odan joǵary jasta, 30-39 jastaǵylar – 25% (9 079 adam), zeınet jasyndaǵylar – 18,8% (6 842 adam), 30 jasqa deıingiler – 11,2% (4 089 adam).