Qazaqstanda jarty jylda 37 kafe-restoran ashylǵan

Jarty jyl ishinde Qazaqstanda 37 dámhana paıdalanýǵa berilgen. QazAqparat bul týraly ulttyq statbıýroǵa silteme jasap habarlaıdy.

2023 jyldyń qańtar-maýsym aralyǵynda Qazaqstanda 2500 oryndyq 37 dámhana paıdalanýǵa berildi.

Salystyratyn bolsaq, ótken jyly jarty jyl ishinde 26 dámhana iske qosylǵan.

Paıdalanýǵa berilgen nysandardyń naqty quny — 5,6 mlrd teńge.

Óńirlik bóliniste dámhananyń eń kóbi Abaı men Túrkistan oblystarynda ashyldy — sáıkesinshe 8 jáne 13 nysan.

Sondaı-aq alty aı ishinde 735 oryndyq 6 ashana jáne 60 orynǵa eseptelgen 2 jyldam tamaqtaný kásiporny qoldanysqa berildi.