Qazaqstanda zeınetaqy jınaqtary boıynsha erlerdiń úlesi basym
«Jeke zeınetaqy shottarynyń jalpy sany 2018 jyldyń 1 shildesi kezinde 10 mln 192 myńdy qurady. Onyń 9 mln 694 myńy - mindetti zeınetaqy jarnasy, 458 myńy - mindetti kásibı zeınetaqy jarnasy jáne 39 myńy erikti zeınetaqy jarnasy boıynsha», - dep naqtylady Naýryzbaeva Parlament Senatynda depýtattarmen ótken kezdesýde.
Onyń sózine qaraǵanda, mindetti zeınetaqy jınaqtary turǵysynda 9,2 mln shottyń 53 paıyzy - erlerge (4,9 mln), al qalǵan 47 paıyzy (4,3 mln) áıelderge tıesili.
«Bıylǵy birinshi jartyjyldyqtyń qorytyndysy boıynsha belsendi salymshylardyń úlesi, ıaǵnı shottaryna kem degende bir jarna túskenderdiń sany 64 paıyzdy qurady. 2017 jyldyń osy kezeńinde bul kórsetkish 62 paıyz deńgeıinde boldy. Jalpy, 2017 jyldyń barysynda belsendi salymshylardyń úlesi 69 paıyzǵa jetti», - dedi ol.