Qazaqstanda zerthanalyq dıagnostıka medıtsınasynyń damýy tómen - sarapshylar
«Búgingi kongress búkil álemniń zerthana medıtsınasynyń mamandarymen tájirıbe almasyp, seriktesýine múmkindik beretin halyqaralyq platforma. Naýqastyń durys em alýy úshin dıagnostıka óte mańyzdy ekeni belgili. Osyǵan oraı, zerthanalyq medıtsına densaýlyq saqtaý modernızatsııasyna mańyzdy ról atqarady. Biz ózgeristerdi talap etetin zamanda ómir súremiz, soǵan baılanysty saqtandyrylǵan medıtsınanyń damýy jáne «Zattar ǵalamtory» ınfraqurylymy zerthanalyq protsesterdiń ǵalamdyq jetilýine ákeldi», - dedi Qazaqstan medıtsınalyq zerthanalyq dıagnostıka qaýymdastyǵynyń prezıdenti, AQ «UMÝ» QR DSM klınıkalyq dıagnostıka zerthanasynyń kafedra professory Mustafa Rysuly.
Germanııanyń klınıkalyq bıohımııa jáne molekýlalyq genetıka professory Igon Aman Germanııadaǵy zerthanalyq dıagnostıkanyń jumys sapasy men jetilý joldaryn aıtyp berdi. Onda densaýlyq saqtaý salasyna qarasty bazanyń sapasyna jaýap beretin arnaıy laboratorlyq qyzmet atqarylady.
«Germanııada jekemenshik zerthanalardyń kóptigine qaramastan, bul salaǵa memlekettiń qoldaýy zor. Memleket jańa tehnologııalyq ádisterge úlken ınvestıtsııa salady. Qazirgi tańda sizderde qyzmetkerlerdiń máselesi bar ekendigin aıtady. Árıne, buǵan ekonomıkanyń da qatysy bar. Qazir zerthanalyq mamandardan qaraǵanda, avtomattandyrý men robottandyýr damyp ketken. Osy turǵyda, ekonomıkalyq jaǵy óte tıimdi sanalady», - dedi Igon Aman.
Zerthanalyq medıtsına sarapshylardyń aıtýynsha, qazir Qazaqstanda ulttyq laboratorııalyq qyzmettiń joqtyǵy kókeıkesti problemaǵa aınalyp otyr.
«Moıyndaý kerek, klınıkalyq-dıagnostıkalyq zerthanalardyń tómen deńgeıde jasaqtalýynan naýqastardyń kóptigine baılanysty úlgermeı jatatyny ras. Otandyq zerthanalyq medıtsına álemdik ǵylymı jetistikterinen edáýir qalyp otyr», - dedi Mustafa Rysuly.