Qazaqstanda ıýan valıýtasyna suranys ósip keledi

ASTANA. KAZINFORM — ıÝan valıýtasyna suranystyń ósýi jáne onyń baǵamynyń kóterilýi jaǵdaıy qytaılyq tanymal marketpleısterdegi baǵany joǵarylatýy múmkin. 

Finprom.kz málimetine qaraǵanda, 2024 jylǵy qarashada Qazaqstandaǵy aıyrbastaý pýnktteriniń Qytaı ıýanin satý somasy 124 mln teńgeni qurady. Bul kórsetkish onyń aldyndaǵy aımen salystyrǵanda 19,4%-ǵa, al 2023 jylǵy qarashamen salystyrǵanda 2 esege az.

Qytaı valıýtasy boıynsha «taza» satylymnyń eń úlken aılyq kólemi 2024 jyly maýsymda (276,1 mln teńge), al eń azy shildede (5,1 mln. teńge) baıqaldy.

Jalpy, 2024 jyldyń qańtar-qarasha aılarynda qytaı ıýaniniń taza satylymynyń kólemi 1,3 mlrd teńgeden asty, bul 2023 jyldyń sáıkes kezeńimen salystyrǵanda 39,6%-ǵa kóp. Aıta ketý kerek, aı saıynǵy aýytqýlarǵa qaramastan, Qazaqstanda ıýan valıýtasyna degen suranys úshinshi jyl qatarynan artyp keledi.

Qazaqstan Respýblıkasynyń 20 óńiriniń 17-sindegi aıyrbastaý pýnktterinde Qytaı ıýanin satýdyń ósimi boldy. Eń joǵary kórsetkish Almaty (547,4 mln teńge) men Astanada (400,3 mln teńge) belgilendi. Qomaqty soma Qaraǵandy oblysyna da (126,9 mln) tirkeldi.

2024 jyldyń jeltoqsan aıyndaǵy ıýannniń resmı baǵamy ortasha eseppen 71,38 teńgeni qurady. Aldyńǵy aıǵa qaraǵanda ıýan baǵamy 3,9%-ǵa, al 2023 jylǵy jeltoqsanmen salystyrǵanda 11,4%-ǵa ósti.

2024 jyldyń tórtinshi toqsanynda ıýannniń ortasha baǵamy 69,55 teńge bolyp, bir toqsanda 4,4%-ǵa joǵarylady. Eń tómengi baǵam ekinshi toqsanda belgilendi – 1 ıýan úshin 61,82 teńge.

Atap aıtqanda, 2025 jyly ıýan baǵamynyń ósýi jalǵasty. Bul rette osy kórsetkish jyl basynan 14 qańtar aralyǵynda 71,94 teńgeden 72,08 teńgege deıin ósti. Osy jaǵdaı Qytaıdan keletin taýarlardyń túpkilikti qunyna, ıaǵnı byltyr úlken suranysta bolǵan avtomobılderge, sondaı-aq baǵasy bastapqyda ıýanmen belgilenetin marketpleısterdegi taýarlardyń qunyna áser etýi múmkin.

Osyǵan deıin Qazaqstan bankteriniń arasyndaǵy ıýan saýdasy bir aıda 133 ese artqanyn jazǵan edik.