Qazaqstanda túrli salada 50-den astam vırtýaldy kómekshi iske qosylady
ASTANA. KAZINFORM — Bıyl elimizde jasandyq ıntellekt negizinde vırtýaldy kómekshiler engiziledi. Bul týraly QR Tsıfrlyq damý, ınnovatsııalar jáne aeroǵarysh ónerkásibi birinshi vıtse-mınıstri Qanysh Tóleýshın málim etti.
— 2024 jyldyń aıaǵynda ulttyq úlken tildik modeli (jasandy ıntellekt negizinde) ázirlendi. Onyń negizinde 100 mlrd token jınaqtaldy. Tórt tilde, ıaǵnı qazaq, orys, aǵylshyn jáne túrik tilinde jasaldy. Qazirgi kezde osy modeldi paıdalanyp, demo-tsıfrlyq 7 sheshim daıarlandy. Olar — Egov, E-otinish jáne zań júıesinde paıdalanylatyn tsıfrlyq sheshim. Bıyldyń sońyna deıin qosymsha 50-den astam osyndaı jasandy ıntellekt kómekshileri ázirlenedi dep josparladyq, — dedi Q. Tóleýshın Senattyń jalpy otyrysynda depýtattardyń suraǵyna jaýap bere otyryp.
Byltyr jeltoqsan aıynda eGov júıesinde vırtýaldy kómekshi paıda bolǵany habarlandy.
Eske salsaq, byltyr tildik modeldiń qazaq tilindegi alǵashqy nusqasy (KazLLM) jeltoqsan aıynda usynylatynyn jazǵan edik.