Qazaqstanda tort baǵasy qansha
ASTANA. KAZINFORM – Qazaqstanda tort baǵasy ósken. Óńirler arasyndaǵy aıyrmshylyq ta alshaqtady. Mereke qarsańynda biz dúkender men kondıterlik sórelerdegi baǵany salystyrdyq.
Tort qazirgi kezde suranysqa ıe deserttiń bir túri. Tek týǵan kún keshterinde emes, otbasylyq basqosýda, merekelerde dastarhanymyzdan tabylady. Baǵany salystyrǵan kezde biz óńirlerdegi kremi bar bıskvıt torttardyń qunyn bildik. Kondıterlik dúken sóreleri men qarapaıym dúkendegi tátti taǵamdyń baǵasy salystyrdyq.
Astana qalasynda baǵa 4 000 teńgeden bastalyp, keıbir dúkendegi ádemi bezendirilgen avtorlyq tort quny 18 000 teńgege deıin jetti.
Almaty qalasynda baǵa 6 500 teńgeden bastalyp, 12 000 teńgege deıin kóteriledi. Al jeke tapsyrys berseńiz baǵa odan da joǵary bolady.
Elimiz boıynsha eń joǵary baǵanyń biri Atyraý qalasynda tirkeldi. Munda tort baǵasy 6 000 teńgeden bastalyp, 30 000 teńgege deıin jetti. Ásirese dızaıny erekshe bolsa, baǵasy da óse beredi. Oral qalasynda baǵa bir-birinen óte alshaq. Bir dúkende qarapaıym bıskvıt tort baǵasy 6 000 teńge bolsa, keı dúkende 27 000 teńgege satylady. Aqtaý men Aqtóbede torttyń kelisi orta eseppen 6500-7500 jáne 12 000-15 000 teńge.
Soltústik jáne shyǵys óńirlerle baǵa qalypty. Máselen Petropavlda tortty 3 000 — 14 000 tengege, Kókshetaýda 3 000 —10 000 teńgege, Qostanaıda 3 500 — 7000 teńgege satyp alýǵa bolady. Pavlodar, Semeı men Óskemende baǵa osy shamalas. Bul qalalarda tort baǵasy 3 000-10 000 teńge aralyǵynda.
Qaraǵandyda tort baǵasy 3 500 teńgeden bastalyp, 12 000 teńgege deıin jetti. Jezqazǵanda 4000 —15 000 teńge aralyǵynda. Elimizdiń ońtústigindegi qalalarla baǵa tómen. Tarazda kelisi 2000 —7000 teńge aralyǵynda. Al Shymkent, Taldyqorǵan men Túskistanda torttyń ortasha baǵasy 3500-4300 jáne 14 000-15 000 teńge aralyǵynda.
Qyzylorda qalasynda tort baǵasy birden 8 000 teńgeden bastalyp, 14 000 teńgege jetedi.
Elimizde sýpermarkette jáne shaǵyn naýbaıhanada tort baǵasy tómen. Al avtorlyq torttar men jeke dızaın jasalsa, baǵa joǵary. Ásirese iri qaralar men munaıly ólkedegi tort quny qymbat.
Buǵan deıin óńirdegi mandarın, sonymen birge qara jáne qyzyl ýyldyryq baǵasy jazyldy.