Qazaqstanda tirkelgen kólikter sany 13,4% ósti

ASTANA. QazAqparat - Qazaqstanda 2018 jyldyń bes aıynyń qorytyndysy boıynsha byltyr osy kezeńmen salystyrǵanda kólik quraldary 13,4% kóp tirkelgen, dep habarlaıdy QazAqparat QazAvtoÓnerkásip mekemesiniń baspasóz qyzmetine silteme jasap. 

Qazaqstan avtomobıl salasy kásiporyndar odaǵynyń habarlamasynda kórsetilgendeı, eseptik kezeńde ákimshilik polıtsııa organdary 501 652 kólik quralyn esepke qoıǵan. Bul byltyrǵy osy kezeńnen 13,4% artyq. Onyń ishinde 472 367-si kólik ıleriniń aýysýyna baılanysty qaıta tirkelgen. Bul ótken jylǵy kórsetkishten 12,3% joǵary (420 447). Birinshi ret tirkelgen kólik quraldarynyń sany -29 285. Bul 2017 jyldyń osy kezeńinen 32,6% kóp.

Avtomobıl naryǵyndaǵy mámileler dınamıkasy burynǵysha otandyq parktiń eskirip jatqandyǵyn kórsetýde.

Ekinshi naryqta qaıta satylǵan shyǵarylǵanynan 20 jyldan astam ýaqyt ótken kólikterdiń úlesi 2017 jyldyń qańtar-mamyrynda 35,8% 39,4% ósken. Al, 1-3 jyl aralyǵyndaǵy kólikterdiń sany 7,5% 3,2% deıin qysqarǵan.

Sondaı-aq, 2018 jyldyń qańtar-mamyrynda qaıta tirkelgen kólikterdiń eń kóp úlesi Almaty (73 100) jáne Ońtústik Qazaqstan oblystaryna (69 754), Almaty qalasyna (57 615) tıesili. Al, jańa kólikterdiń kóp sany Almaty (1 503, 20,3%), Astana (1 124, 15,2%) jáne Ońtústik Qazaqstan oblystarynda (693, 9,4%) tirkelgen.