Qazaqstanda temirjol bıletteriniń jartysynan kóbi ınternet arqyly satylǵan
Kompanııanyń málimetinshe, qazirgi tańda qazaqstandyqtar bıletterdi elektrondy túrde resimdeýge kóp kóńil bólýde. Jolaýshylar ınternet saıt, avtomattar, poshta bólimsheleri, halyqaralyq «Amadeýs» júıesin sátti paıdalanýda.Jańa tehnologııalar jolaýshylarǵa qyzmet kórsetý sapasyn kóterýge baǵyttalǵan.
«Nurly jol» vokzalynda «Tsıfrly temir jol» salalyq baǵdarlamasy qanatqaqty joba retinde óndiriske tabysty engizildi. Vokzal kesheninde mobıldik baılanys jelisine qosylǵan veb-portal quryldy. Ol arqyly jolaýshy naqty táýliktiń kez-kelgen ýaqytynda bılet satyp ala alady. Poıyz kestesin kóredi. Poıyzdyń kelý, ketý kestesin kórip, taksıge tapsyrys berýge, qonaqúıden onlaın rejiminde oryn alýǵa, ózi baratyn stantsııasy týraly aqparattardy biledi.
«Qazirgi kezde jolaýshylardyń temirjolǵa qoıatyn talaby joǵary. Sondyqtan, «QTJ» UK» AQ-nyń aldynda vokzal keshenin tolyqqandy, barynsha qaýipsiz, jolaýshylarǵa jaıly etý maqsaty tur. Bul óndiristik úderisterdi tsıfrlyq júıege ótkizý arqyly jedel baılanys quraldary arqyly atqarylady», - deıdi «QTJ» UK» AQ fılıaly-Magıstraldyq jeli dırektsııasynyń Vokzal sharýashylyǵyn paıdalaný men damytý jónindegi atqarýshy dırektory J. Kórpebaev.
Bıylǵy jyly elimizdegi 17 vokzaldarda symsyz aqparattyq beıne qabyrǵalarymen qamtý kózdelip otyr. Ol aqparattyq taqtada poıyzdardyń kestesi, ınfokıosk, baǵyt baǵdardy monıtorıngilik baqylaý, turǵyndary az eldi mekenderdiń málimeti, jolaýshylardyń jedel baılanys orny sekildi aqparattar jınaqtalady.
Temirjol vokzaldaryna zamanaýı tehnologııalar kezeń-kezeńimen engiziledi.
