Qazaqstanda temeki tartatyn erler – 34%, áıelder – 5%

ASTANA. KAZINFORM – 2025 jyly Qazaqstanda temeki shegetin eresekterdiń úlesi 17,5 paıyzdy qurap, bir jyl burynǵy kórsetkishpen salystyrǵanda tómendegeni baıqaldy. Bul týraly Ulttyq statıstıka bıýrosy habarlady.

Bıýronyń málimetinshe, bıylǵy qańtarda elimizde temeki tutyný boıynsha kezekti jyl saıynǵy zertteý júrgizildi. Saýalnama respýblıkanyń barlyq óńiri men úsh iri qalasy — Astana, Almaty jáne Shymkentte ótkizilip, oǵan 15 jastan asqan 12 000 úı sharýashylyǵynyń bir múshesi qatysty.

Nátıjeler:

• Halyqtyń 17,5%-y temeki shegedi (2024 jyly — 20,7%);
• Aýyldyq jerlerde — 19,1%, qalalarda — 16,7%;
• Temeki tartýshylardyń 93,8%-y ónerkásiptik daıyn ónimdi paıdalanady;
• Er adamdar arasynda temeki shegý kórsetkishi — 34%, áıelder arasynda — 5%.

Ulttyq statıstıka bıýrosy bul zertteýdi QR Densaýlyq saqtaý mınıstrliginiń usynysy boıynsha Dúnıejúzilik densaýlyq saqtaý uıymynyń (DDSU) GATS halyqaralyq ádistemesi negizinde 2020 jyldan beri turaqty túrde júrgizip keledi.

- Bul derekter temekige qarsy memlekettik saıasat pen aldyn alý sharalarynyń belgili bir nátıjeler bere bastaǵanyn kórsetedi, - delingen aqparatta.

Aıta keteıik, Qazaqstanda temeki baǵasy ózgerdi.